Әһли Бејт -АБНА- хәбәр аҝентлијинин вердији хәбәрә әсасән: Москва Бирләшмиш Електрик Шәбәкәси Ширкәтиндән билдириб ки, кәскин һава сәбәбиндән мүхтәлиф ҝүҹә малик 72 електрик верилиши хәтти кәсилиб, бир нечә јарымстансија ишләмир. Москванын өзүндә исә енержи тәҹһизатында проблем јохдур.
Електрик кәсинтисинин әсас сәбәби електрик верилиши хәтләринин буз бағламасыдыр. Декабрын 25-дә Москва реҝионунда бузлу јағыш јағыб. Јағышдан сонра күчәләрдә дә ҝүҹлү бузлашма олуб. Декабрын 26-да да вәзијјәт дәјишмәјиб. Јоллар буз бағладығындан шәһәр рәһбәрлији сакинләри евләриндән чыхмамаға, автомобилләрдән имкан дахилиндә аз истифадә етмәјә чағырыб.
Јашајыш биналары илә јанашы, “Домодедово” бејнәлхалг аеропорту да ишыгсыз галыб.
Диггәт: Хәбәрдән истифадә етдикдә мәнбәјә истинад лазымдыр
