Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасынын Азәрбајҹандакы сәфири Мәһәммәдбағыр Бәһрами бидириб: Маһмуд Әһмәдинежадын Азәрбајҹана сәфәри Азәрбајҹан президенти Илһам Әлијевин дәвәти илә вә Хәзәрјаны өлкәләрин башчыларынын Бакыда кечириләҹәк саммитиндә иштирак мәгсәдилә һәјата кечирилир. Сәфәр чәрчивәсиндә сәмими ҝөрүшләрин нәтиҹәси олараг мүәјјән сәнәдләрин имзаланмасы да ҝөзләнилир. Реҝионда олан бәзи мүрәккәб мәсәләләр реҝион өлкәләринин бирҝә сәји нәтиҹәсиндә һәлл олмалыдыр. Кәнар дөвләтләр бу ишләрә мүдахилә етмәмәлидир. Онлар реҝионда мәсәләләрин һәллини истәмирләр. Чүнки бу ишләрин һәлл олмасы онларын хејринә дејил. Хәзәр дәнизинин һүгуги статусуна аид мәсәләдә дә 5 өлкәнин аидијјәти органлары вә рәһбәрләринин бирҝә мүзакирәләри нәтиҹәсиндә өз һәллини тапаҹаг. Иран Ислам Республикасы реҝионда вә бејнәлхалг аләмдә тәсиредиҹи ҝүҹә малик өлкәләр сырасындадыр. Биз јадларын реҝионда әдаләтсизлик етмәләринә биҝанә гала билмәрик.
Сәфир билдириб ки, ики өлкәнин рәһбәрләринин тапшырыгларына ҝөрә, игтисади вә мәдәни әмәкдашлыг саһәсиндә програмлар һазырланыр вә бу саһәдә мүәјјән ишләр ҝөрүлүр: “Иранын Азәрбајҹанла мүштәрәк тарихи бағлылары вар. Дин, дил, мәдәнијјәт бахымындан ајрылыг јохдур. Су сәрһәдләриндән башга 700 километрдән артыг гуру сәрһәдләримиз вар. Иран вә Азәрбајҹанын сијасәти реҝионда сүлһ, сабитлик вә инкишафын һаким олмасы үзәриндә гурулуб. Ики өлкәләринин гаршылыглы сәфәрләри нәтиҹәсиндә ики өлкәнин һазыркы әлагәләри чох јахшыдыр. Банк, енержи, тиҹарәт, мәдәнијјәт, тикинти, сығорта, кәнд тәсәррүфаты вә диҝәр саһәләрдә әлагәләр јүксәк сәвијјәдәдир”.
Диггәт: Хәбәрдән истифадә етдикдә мәнбәјә истинад лазымдыр
