Әһли Бејт -АБНА- хәбәр аҝентлијинин вердији хәбәрә әсасән: 7 нојабрда кечирилмиш парламент сечкиләри илә бағлы Азәрбајҹан Ислам Партијасы да етираз бәјанаты јајыб. Бәјанатда дејилир: "Азәрбајҹан Республикасында кечирилән сон парламент сечкиләри бир даһа Азәрбајҹанда кечирилән сечкиләрин ганунсузлуғуну вә һеч бир демократик принсипләрә, бејнәлхалг һүгуг нормаларына сөјкәнмәдијини сүбут етди. Кечирилән сечки Азәрбајҹанда инсан һүгугларынын һансы дәрәҹәдә позулдуғуну ән бариз вә тотал шәкилдә нүмајиш етдирди.
АИП олараг 7 нојабр 2010-ҹу илдә баш верән һадисәнин сечки адына ләкә олдуғу, ганун позунтуларынын сечкијә старт верилдији андан башладығы, нәтиҹәдә тәјин олунан Милли Мәҹлисдә халгын нүмајәндәләринин тәмсил олунмадығы вә долајысыјла Азәрбајҹан халгынын ирадәсини әкс етдирмәдији гәнаәтиндәјик.
Биз Азәрбајҹан Ислам Партијасы олараг апардығымыз мүшаһидәләрдән, Азәрбајҹанда сон парламент сечкисинин гануна зидд формада тәшкил олдуғуну бәјанлајыр вә бу сечкини демократик дәјәрләрә сарсыдыҹы зәрбә кими гијмәтләндирик."
Диггәт: Хәбәрдән истифадә етдикдә мәнбәјә истинад лазымдыр
