АПА-ја ачыглама верән Исраил Мусајев 5-6 ҹүмлә сөјләсә дә, бир чох мәгамлара ајдынлыг ҝәтириб, ичиндәки "гара енержини" бајыра пүскүрүб.
Әввәлҹә төрәтдији әмәлин архасындан гачараг, ҝүнаһы башгаларынын үзәринә јыхыр, өзү дә буну елә бир ҝүлүнҹ тәрздә әсасландырыр ки! Бахын: "Мән гәзет чыхан вахт орада олмамышам вә бу карикатура елми јазынын фотосу кими ҝедиб. Бир сөзлә һадисә мәгсәдли шәкилдә олмајыб".
Сорушмаг ајыб олмасын, ај Исраил Мусајев! Бәс сән нә баш редакторсан? Сән нәјә башчылыг едирсән? Һәрчәнд, о карикатураны "елми јазынын фотосу" кими тәгдим едирсәнсә, һәр шеј ајдын олур. Бу ҹызма-гараја тән ҝәлән "елмлә" мәшғул олан бирисиндән артығыны ҝөзләмәк олмаз.
Сонра гәзетин нә вахт вә неҹә чыхмасындан бихәбәр баш редактор (һәр һалда өзүнү белә тәгдим едир) шикајәтә башлајыр: "Анҹаг нәдәнсә, үзр истәмәјимә дә фикир вермирләр. Азәрбајҹанда фәалијјәт ҝөстәрән Ислам јөнүмлү интернет хәбәр ресурсларынын һамысында мәним үнваныма кампанија башлајыб".
Үзр истәмисән? Кимдән? Бүтүн Ислам дүнјасыны тәһгир едиб ҹызма-гараларынын 5-10 изләјиҹисиндән? Бир дә ки, јәгин ешитмисән. Елә әмәлләр вар ки, онлары бағышламырлар. Садаламаға еһтијаҹ дујмуруг. Бир аз дүшүнсән, дәрһал 3-4-нү тапарсан. Тәсәввүр ет. Сабаһ бүтүн Азәрбајҹан халыгынын үмид јери олан тахыл зәмиләринә од вуруруг, сонра да иш-ишдән кечәндән сонра үз истәјирик. Сәнҹә, бу үзр гәбул олар?
Даһа сонра Исраил Мусајев нөвбәти дәфә диндарлары тәһгир етмәк шансыны әлдән вермир: "Ҹәмијјәтин диҝәр, инкишаф етмиш вә елми дәјәрләндирән һиссәсиндән мүдафиә ҝөрүб-ҝөрмәјәҹәјими исә билмирәм".
Демәк истәјирсән ки, биз ҝеридә галмышыг, сән вә сәнин кимиләр исә инкишаф етмисиз? Елә исә бил ки, бу милләтин, бу халгын динә, Ислама, Пејғәмбәрә бағлылығы сән дүшүндүјүндән гат-гат јүксәкдир. Сән халга мејдан охујурсан, онун милли-мәнәви дәјәрләринә гаршы чыхырсан. Беләләринин агибәти исә… Бурда сәнинлә там разыјыг. Аҹынаҹаглы олур. Амма һеч дә һәгигәтә вә елмә мүнасибәтинә ҝөрә јох, кечмишини, сојкөкүнү унутдуғуна ҝөрә.
Јадында сахла: елм дә биздәди, гејрәт дә биздәди, мәрдлик дә биздәди, бүтүн диҝәр интизарында олдуғун мүсбәт ҹәһәтләр дә биздәди. Вә "биз" дедикдә һеч дә јалныз диндарлары нәзәрдә тутмуруг. Биз - Азәрбајҹаныг! Биз - азәриләрик! Вә бу ҝүн Биз һамылыгла сәнә вә сәнин һавадарларына ләнәт охујуруг! Бүтүн аллаһсызлара, ҹилддән ҹилдә ҝирәнләрә! Бу ҝүн дә, сабаһ да - та, Гијамәт ҝүнү ҝәләнәдәк!
Үзрүнү исә сахла өзүнә, башга јердә вә башга мүһитдә һәлә лазымын ола биләр…
