Султан I Маһмуд 1748-ҹи илдә вә султан II Маһмуд 1826-ҹы илдә вердикләри фәрманларла масонларын Османлы дөвләти әразисиндә фәалијјәтини гадаған етмишдиләр. Султан Әбдүләзиз (1861-1876) дә масонларын фәалијјәтләринә гаршы ҹидди тәдбирләр ҝөрмүшдү. Масонларын фәалијјәтинә мане олан бу Османлы императорларындан I Маһмуд вә Әбдүләзиз суигәсд нәтиҹәсиндә өлмүшдүләр. I Маһмуд зәһәрләнмиш, Әбдүләзизи исә масон назир Мидһәт паша өлдүртмүшдү. Үстәлик бу суи-гәсд интиһар кими ҝөстәрилмәјә чалышылмышды. Лакин истинтаг һәгигәти үзә чыхармышды. Масонларын фәалијјәтини гадаған едән султан II Маһмуда гаршы исә масон вә инҝилисләрин садиг нөкәри олан Мисир ҹанишини Меһмет Әли паша Кавалалы, оғлу Ибраһим паша илә бирҝә үсјан етмишди. Османлы дөвләтиндә илк масон ложасы 1857-ҹи илдә ачылмышды. Өз масон баш назири Мустафа Рәшид пашанын тәсириндә галан султан Әбдүлмәҹидин (1839-1861) һакимијјәти дөврүндә баш назирин тәшәббүсү илә мәшһур Тинзимат (Ҝүлханә хәтти-һумајуну) фәрманы елан едилмишди. Бу фәрман Османлы дөвләтинин сијаси, игтисади вә иҹтимаи һәјатына ағыр зәрбә вурмушду. 1870-ҹи илдә Османлы дөвләти әразисиндә артыг 49 масон лоҹасы фәалијјәт ҝөстәрирди. Султан II Әбдүлһәмид (1876-1908) Османлы масонларынын ҹан дүшмәни иди. Онун һакимијјәти дөврүндә дөләт апараты әһәмијјәтли дәрәҹәдә масонлардан тәмизләнмишди. Лакин ЫЫ Әбдүлһәмид дә гәрб дөвләтләринин вә “Иттиһад вә Тәрәгги Ҹәмијјәти”-ндәки масонларын тәшвиги илә башламыш гијам нәтиҹәсиндә һакимијјәтдән узаглашдырылмышды.
