ФактХебер.ҹом-ун вердији мәлумата ҝөрә, февралын 13-дә Мәһәммәд Пејғәмбәрин (с) вәфаты илә әлагәдар Һаҹы Султанәли мәсҹидиндә әзадарлыг кечирәндән сонра Хоҹалы фәҹиәсинин илдөнүмү әрәфәсиндә Шәһидләр Хијабаныны зијарәт етмәк истәркән полис зоракылығы илә үзләшән 5 нәфәр диндар - Елмар Сәмәдов, Елчин Аббасов, Сејнур Һүсејнов, Ағаәли јәһјајев вә Билал Әһмәдовун нөвбәти мәһкәмәси кечириләҹәк.
Сентјабр ајынын 30-у Азәрбајҹан Республикасынын ҹинајәт мәҹәлләсинин 315.2 вә 221.3 маддәләри илә һәбс ҹәзасына мәһкум олунан Елмар Сәмәдов, Елчин Аббасов, Билал Әһмәдов, Сејнур Һүсејнов вә Ағаәли јәһјајевин иш үзрә Аппелјасија мәһкәмәси өз ишинә башлајаҹаг. Бакы шәһәр Аппелјасија мәһкәмәсиндә просес, һаким Саһибхан Мирзәјевин сәдрлији илә кечириләҹәк. Гејд едәк ки, һәбсдә олан Елмар Сәмәдов, Ағаәли јәһјајев вә Билал Әһмәдов мүдафиәси илә вәкил Мәзаһир Шаһмаров, Елчин Аббасовун мүдафиәси илә Фәхрәддин Меһдијев, Сејнур Һүсејновун мүдафиәсијлә исә јлви Исмајылов мәшғул олаҹаг.
Мәлумат үчүн билдирәк ки, бу ил август ајынын 3-дә јасамал Рајон Мәһкәмәсиндә Һаким Елчин Гурбановун сәдрлији илә кечирилән просесдә, Елчин Аббасов вә Сејнур Һүсејнов 4 ил, Елмар Сәмәдов, Ағәли јәһјајев вә Билал Әһмәдов 4 ил 6 ај мүддәтиндә азадлыгдан мәһрум едилиб.
