Әһл Бејт-АБНА-хәбәр аҝентлијинин вердији хәбәрә әсасән Бүтүн дүнјада ҝөзләр игтисади бөһранла мүбаризә апаран Авропададыр. Јунанистан бөһрандан чыхмаг үчүн Туризм секторуна ҝүвәнир. Онлар турист ҹәлб етмәк үчүн гонаглара ҹәлбедиҹи тәклифләр дә едирләр.
Диҝәр тәрәфдән, үмидләр доғрулмур. Белә ки, маашларыны ала билмәјән ишчиләр тәтилә башлајыблар. Бу да һөкумәтин ишини бир аз да чәтинләшдириб.
Бөһрандан чыхмаг үчүн һамынын ҝөз дикдији Авропанын 4 бөјүк өлкәси Алманија, Франса, Инҝилтәрә вә Италија исә өз дәрдиндәдир. Бу сәбәбдән апарыҹы Авропа дөвләтләри кәмәрләри сыхараг, дөвләт хәрҹләрини максимум дәрәҹәдә азалдараг бүдҹә кәсирләрини азалтмаға чалышырлар.
Авропадакы бөһранын дәрманы олараг ҝөрүлән Алманјанын јүрүтдүјү малијјә сијасәти исә етиразлара сәбәб олур. Пул дедикдә илк јада дүшән шәхсләрдән бири олан Ҹорҹ Сорос да Алманијанын бу егоист давранышыны писләјиб.
Ҹорҹ Сорос Авронын коллапса уғрамасыны да истисна етмир.
Бу јахынларда Алманија Канслери Анҝела Меркел 4 иллик бүдҹә хәрҹләрини 80 милјард авро азалдараг 2013-ҹү илә гәдәр бүдҹә кәсирләрини Авропа Бирлији стандардларына чатдырмағы һәдәфләдикләрини елан едиб.
Анҝела Меркел АБШ президенти Барак Обаманын Алманијанын сосиал хәрҹләри азалтмасыны тәнгид етмәсинә бахмајараг бу һәфтә бүдҹә ихтисарларыны мүдафиә едиб. Алман һөкумәти һәфтә сону Торонтода кечириләҹәк бөјүк 20-лик Саммитиндә тәзиглә үзләшәҹәјини ҝөзләмир.
