Бир шәхс Аллаһы ахтарырды. Ешитмишди ки, Аллаһ ҝөјдәдир. Һамы ҝөјә үз тутуб Аллаһы чағырырды. Аллаһы тапмаг үчүн ајаға галхды. Һәр ҝеҹә сәманын пилләри илә јухары галхды. Булудлары саға-сола вериб архасыны ҝәзирди. Әрш адлы тахты ахтармаға башлады. Нә гәдәр ҝәздисә, Аллаһын тахтыны тапа билмәди. Ајда, улдузларда һеч бир ајаг изи ҝөрүнмүрдү... Сәмада ахтарышлардан јорулдуғу вахт Јер күрәси диггәтини ҹәлб етди. Јер чох ҝениш иди. Гәрара ҝәлди ки, Аллаһы јердә ахтарсын. Јер үзүнү ҝәздикдән сонра ону газмаға башлады. Нә гәдәр газдыса, гаршысына бир шеј чыхмады. Дағлары јарды, дәнизләрин дәринлијинә енди. Јенә ахтардығыны тапа билмәди. Үмидсизләшди. Елә һәмин вахт хәфиф бир меһ әсди. Меһ деди: -Бир јер јадындан чыхыб. О сән өзүнсән! Беләҹә өз вүҹудуну ахтармаға башлады. Вә бирдән... Ону, узун мүддәт сорағынҹа ҝәздији Аллаһы өз гәлбиндә тапды. Ајағыны гәлбинә гојуб ҝөзләриндән бајыра бојланды. Аллаһы әршдә өз тахтында ҝөрдү. Аллаһы дағларда, дәнизләрдә ҝөрдү. Һараја бахырдыса, Аллаһ орада иди!
һttp:/еtеqһаdаt.сом/
