Әһл Бејт-АБНА-хәбәр аҝентлији мүсавата әсасән хәбәр верир : Һәјасыз Исраил режиминин Бакыдакы сәфири Михаел Лавон Лотемин адындан мүусаватын редаксијасына рәсми мәктуб дахил олуб. Баш редактор Рауф Арифоғлуна үнванланан мәктубда дипломат утанмадан гејд едиб :Аралыг дәнизиндә Гәззаја һуманитар јардым апаран “Мави Мәрмәрә” түрк ҝәмисинә басгынла бағлы тәһриф олунмуш информасијаларын боллуғу гаршылығында тәрәфсиз мәлуматлара да диггәт јетирин.
Сәфир мәктуба ҝәми басгыны илә бағлы бир чох хариҹи КИВ-ләрдә, о ҹүмләдән Гәрб телеканалларында әксини тапан, ҝәмидәкиләрин Исраил командосларына бычаг, дәјәнәк вә диҝәр әшјаларла неҹә һүҹум етдијини, онлары ҝәмидән атдығыны ҝөстәрән сеһјонистләр тәрәфиндән монтаж олунмуш кадрлардан, јардым аксијасыны тәшкил едән Инсани Јардым Вәгфи (ИҺҺ) барәдә мәлуматлардан ибарәт гондарма ДВД диски вә мәгаләләри дә әлавә едиб. “Һеч шүбһәсиз, биз һамымыз мәлуматлары охујуруг вә һәм дә реаллыға хүсуси ”ејнәклә" бахырыг, лакин инанырам ки, әҝәр һәгигәти әлдә етмәк үчүн ҝүҹлү тәшәббүс ҝөстәрсәк, онда ону өјрәнмәјә дә ачыг олмалыјыг" дејә сәфир јазыр!
Мәктуба әлавә едилән мәгаләләр арасында сатгын нурчуларын АБШ-да јашајан лидери јәһудиләрин нөкәри кими танынан Фәтуллаһ Ҝүләнин Исраилин мөвгејинә јахын фикирләриндән ибарәт мүсаһибәси, ИҺҺ-нин радикал дини груплашмаларла әлагәләринә даир иддиалар вә диҝәр мәлуматлар јер алыр.
