ABNA-xəbr agentliyi- “Азәрбајҹан Гәзза золағына һуманитар јардым апаран ҝәми карванынын Исраил һүҹумуна мәруз галмасыны писләјир”.
Буну АПА-ја ачыгламасында Азәрбајҹан Хариҹи Ишләр Назирлијинин мәтбуат катиби Елхан Полухов дејиб. О билдириб ки, јаранмыш вәзијјәт Азәрбајҹанда нараһатлыг доғурур: “Азәрбајҹан тәрәфи һесаб едир ки, һуманитар бир аксијанын инсан тәләфаты илә нәтиҹәләнмәси нараһатлыг доғуран бир фактдыр. Бу һадисә гыса мүддәтдә дәгигликлә арашдырылмалы вә ҝүнаһкарлар өз ҹәзаларыны алмалыдыр”.
Дипломат хатырладыб ки, Азәрбајҹан Гәзза золағында јашајан әһалијә һуманитар јардым ҝөстәрилмәсинин тәрәфдарыдыр: “Бу барәдә Азәрбајҹан дәфәләрлә өз рәсми мөвгејини билдириб. Өлкә президентинин тапшырығы илә хариҹи ишләр назири Елмар Мәммәдјаров кечән илин мартында Шарм әл Шејх шәһәриндә кечирилән бејнәлхалг донорлар конфрансында Азәрбајҹанын бу мөвгејини ачыгламышды. Азәрбајҹан бу мөвгејиндә галыр”.
