Исраил мәнбәләринин вердији мәлумата ҝөрә, ҝәмидәки сәрнишинләрин 480-и һәбсдә сахланылыр. Чоху Түркијә вәтәндашы олмагла 45 сәрнишин мүхтәлиф хәстәханаларда мүалиҹә олунур. Исраил дөвләт радиосунун хәбәринә ҝөрә, һадисә заманы 6 Исраил әсҝәри јараланыб, 480 сәрнишин Ашдодда бир һәбсханада сахланылыр, 48 нәфәр исә өлкәдән чыхарылмасы үчүн Бен Ҝурион Бејнәлхалг Һава Лиманына апарылыб. Хәбәрдә бу ҝүн ишәрисиндә Ашдодда һәбсдә сахланылан шәхсләрин ифадәләринин алынаҹағы, Исраил рәсмиләринин бу шәхсләрин сәрбәст бурахылыб бурахылмајаҹағына гәрар верәҹәји билдирилиб. Исраил рәсми гурумлары һүҹумда 9 нәфәр өлдүјүнү ачыглајыблар. Бу арада, исраилли әрәбләр бу ҝүн Тәл-Әвивин һүҹумуна етираз мәгсәдилә тәтил чағырышы едибләр. Полис јүксәк һазырлыг вәзијјәтинә ҝәтирилиб.
