Бу ҝүн Москвада анти-аборт нүмајишләр кечириләҹәк. Ушагларын Гәтлинә Мүгавимәт Һәрәкатынын лидери Андреј Хвесјук интерфах-релиҝион.ру порталына билдириб ки, 300-ә јахын аксија иштиракчысы абортла мәһв едилән көрпәләрин хатирәсини јад едәҹәк вә онларын ганунла мүдафиәсини тәләб едәҹәк. Интерфах.ру хәбәр верир ки, аксија тәшкилатчылары 30 мај ҝүнүнү Аборт гурбанларынын хатирә ҝүнү кими тәгвимә салмағы планлашдырыр. Аксијада православ дин хадимләринин дуа охумасы да нәзәрдә тутулур. Хвесјук билдириб ки, Русијада аборт рәсмиләшән ҝүндән (1955) бу јана 200 млн көрпә абортла мәһв едилиб.
