ҺаггЈолу - Гырғызыстанда деврилмиш президент Курманбек Бакијевин тәрәфдарларынын Ҹәлалабадда кечирдији митингдә баш верән гаршыдурмада 2 нәфәр һәлак олуб, 62 вәтәндаш хәсарәт алыб. Сәһәр саатларындан шәһәрин мәркәзинә топлашанлар јерли өзбәк иҹмасынын лидери, бизнесмен Кадырҹан Батырова гаршы мәһәкәмә арашдырылмасына башланылмасыны тәләб едибләр. Аксија иштиракчылары ону Курманбек Бакијевин гоһумларына мәхсус евләрин јандырлмасынын тәшкилиндә иттиһам едирләр. Даһа сонра митингчиләр Кадырҹан Батырова мәхсус халглар достлуғу университетинә һүҹума кечибләр. Артыг иғтишашлар јатырылыб. ИТВ хәбәр верир ки, Мүвәггәти һөкүмәтин рәһбәри Роза Отунбајева исә кечид дөврүндә Гырғызыстанын јени президенти сечилиб. Роза Отунбајева 2011-ҹи илин 31 декабрынадәк президентин сәлаһијјәтләрини иҹра едәҹәк. 2012-ҹи илдә кечириләҹәк президент сечкиләриндә исә мүвәггәти һөкумәтин рәһбәри иштирак етмәјәҹәјини ачыглајыб.
