1992-ҹи ил мајын 18-дә Ермәнистан Силаһлы Гүввәләринин Лачын рајонуну әлә кечирмәси илә Дағлыг Гарабағ “де-факто” Ермәнистана бирләшдирилиб. АПА-нын мәлуматына ҝөрә, ишғал нәтиҹәсиндә Лачында 1 шәһәр, 1 гәсәбә вә 120 кәнд дүшмән әлинә кечиб, 264 нәфәр шәһид олуб, 65 нәфәр ҝиров ҝөтүрүлүб, 103 нәфәр әлил олуб. Рајон үзрә 1 јашдан 16 јашадәк 24374 ушагдан 18-и шәһид, 225 нәфәри әлил олуб, 31-и һәр ики валидејнини итириб, 64 мин нәфәр мәҹбури көчкүнә чеврилиб. Рајон әразисиндәки 133 ири вә орта мүәссисә, 20 тибб мүәссисәси, 217 мәдәнијјәт оҹағы, 40-дәк мәдәни вә тарихи абидә, онларла тәһсил мүәссисәси һазырда ишғал алтындадыр. Ишғал нәтиҹәсиндә 1835 квадрат километр әразиси олан Лачын рајонундакы бир сыра тарихи-мәдәнијјәт абидәләри дүшмән тәрәфиндән талан едилиб вә ја ермәниләшдирилиб. Әһәмијјәтли ҝеостратежи мөвгејә малик олан Лачынын ишғалы Азәрбајҹан игтисадијјатына ҹидди зијан вуруб. Дүшмән рајонун јүнҝүл сәнаје мәркәзләрини, кәнд тәсәррүфаты саһәләрини јарарсыз һала салыб.
