ҺаггЈолу - нин Әһли-бејт алимләри Азәрбајҹанда Исламафобијаја сон гојулмасы тәләбилә Азәрбајҹан президенти Илһам Әлијевә ачыг мәктуб үнванлајыблар. Пресс7 бу мәктубу охуҹуларын диггәтинә чатдырыр:
Бисмилләһир-раһмәнир-раһим. Һөрмәтли Азәрбајҹан республикасынын президенти Илһам Әлијев! Сон вахтларда Азәрбајҹандан ҝәлән хәбәрләр, диндар инсанлара гаршы едилән тәзјигләр вә сәһв сијасәт бизи чох нараһат едир. Бир чох Ислам өлкәләриндә олдуғу кими, гардаш Азәрбајҹанын да өз мүстәгиллијинә ҝөрә дини дәјәрләрә вә тәлимләрә борҹлу олдуғуну, һәр һалда, хатырлатмаға еһтијаҹ јохдур. Буна ҝөрә сон заманларда доғма сајдығымыз өлкәниздә бу дәјәрләрин диггәтә алынмамасы вә дини символлара гаршы едилән һөрмәтсизликләрин сиздән дејил, бир сыра дөвләт мәмурларынын өзбашналығындан гајнагландығыны үмид едир вә бу аҹынаҹаглы вәзијјәтин тезликлә шәхсән тәрәфиниздән дүзәлдилмәсини тәләб едирик. Хатырлатмаг истәјәрик ки, һәр кәс кими сиз дә мүсәлман халгыныздан әманәт алдығыныз һакимијјәтә вә давранышларыныза ҝөрә бир ҝүн Аллаһын һүзурунда һесаб верәҹәксиниз. Бу сәбәбдән дә бу ҝерчәји диггәтә алараг, мүсәлман азәри гардашларымызын дәјәрләринә вә мүгәддәсләринә едилән һүҹумлара вә һөрмәтсизликләрә сон верәрәҹәјинизи дүшүнүрүк. Бизләр түркијәли мүсәлман гардашларыныз олараг, ермәниләр тәрәфиндән гардашларымыза едилән зүлм вә һагсызлыглар заманы һәр вахт јанынызда олмуш, мәсҹидләрдә сизләр үчүн дуа едәр, мәсҹид чыхышларында Азәрбајҹандакы зәрәр чәкмиш гардашларымыз үчүн көмәк топлардыг. Амма нә гәрибәдир ки, Аллаһын евләри һөкмүндә олан бу мәсҹидләр, бу ҝүн дағыдылыр вә һөрмәтсизлијә мәруз галырлар. Јенә хатырлатмаға еһтијаҹ јохдур ки, әҝәр ҝәләҹәкдә вәтәнимиз кечмишдәки кими һәр һансы бир дүшмән һүҹумуна мәруз галса, кечмишдә олдуғу кими, бу ҝүн дә бу һәбс олунан диндар халг мәсҹидләрдә топланараг ҹәбһәјә үз тутаҹаглар, башгалары дејил! Һәр вәзијјәтдә едилән сәһвдән дөнүлмәси үчүн һәлә ҝеҹ дејил. Дәјәрләринә һөрмәтсизлик едән идарәчиләри халг, әсла хејрлә јад етмәмиш вә етмәјәҹәк; тарих бу ҝерчәјин ән бариз нүмунәсидир. Билмәмиз лазымдыр ки, унудулмајан падшаһлар адларына уҹалтдыглары мәсҹидләрин сәбәбијлә унудулмамышлар… Түркијәнин Әһли-бејт алимләри
