Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Ингилабы Кешикчиләри Корпусу (СЕПАҺ) 96‑ҹы далға әмәлијјатында сионист режимин гырыҹыларына јанаҹаг тәмин едән нефт емалы заводунун, Ексан газ објектләринин, еләҹә дә АБШ силаһлы гүввәләринин јанаҹаг истеһсалы үчүн истифадә олунан БӘӘ, Бәһрејн вә Күвејтдәки објектләрин һәдәфә алындығыны билдирәрәк вурғулајыб ки, әҝәр мүлки һәдәфләрә һүҹум тәкрарланарса, 96‑ҹы далғанын икинҹи мәрһәләси даһа сарсыдыҹы шәкилдә иҹра олунаҹаг.
СЕПАҺ 2026, 5 апрел тарихиндә јајылан бәјанатында билдириб: Дүшмән АБШ-сионистин Кәрәҹ Б‑1 көрпүсүнә вә Маһшәһр петро-кимја сәнајесинә ендирдији һүҹумун ардындан, хүсуси һәрби һәдәфләрлә јанашы, бу ачыг тәҹавүзә ҹаваб олараг “Доғру вәд 4” әмәлијјатынын 96‑ҹы далғасында “Ја Рүгәјјә (с)” шифрәси илә, шәһид олмуш бүтүн гыз ушагларына итһаф едилән ҹаваб әмәлијјаты ҝүндәмә алынды. СЕПАҺ‑ын дәниз вә аеро‑космик гүввәләринин бирҝә әмәлијјаты нәтиҹәсиндә бу тәҹавүзә верилән ҹавабын биринҹи мәрһәләси бу ҝүн сәһәрә гәдәр ашағыдакы шәкилдә һәјата кечирилди:
1.Сионист режимин гырыҹыларына јанаҹаг тәмин едән Һајфа нефт емалы заводуна ағыр һүҹум нәтиҹәсиндә објектин әсас бөлмәләри дағыдылды;
2. БӘӘ‑нин Һәбшан бөлҝәсиндә јерләшән АБШ ширкәтләри Иксан, Мобил вә Шиврон‑а мәхсус газ објектләринә һүҹум;
3. БӘӘ‑нин әл-Рувис бөлҝәсиндә АБШ‑јә мәхсус, АБШ силаһлы гүввәләринин јанаҹаг материалларыны вә сионист режимин һәрби мәһсулларыны истеһсал едән петро-кимја објектинә ракет һүҹуму вә ҝенишмигјаслы јанғын;
4. Бәһрејнин Ситрә бөлҝәсиндә АБШ‑јә мәхсус петро-кимја објектинә ағыр ПУА һүҹуму нәтиҹәсиндә ҝениш јанғын вә објектин мүһүм һиссәләринин мәһв едилмәси. Бу објект АБШ ордусунун нефт мәһсулларына тәләбатында бөјүк рол ојнајырды.
5. Күвејтдә АБШ‑јә мәхсус Шуејбә петро-кимја објектинә һүҹум нәтиҹәсиндә чох ҝениш јанғын вә објектин там фәалијјәт дајанмасы.
Бәјанатда әлавә едилир: Дүшмән тәһлүкәсизлик, дәниз вә гуру саһәләриндә мәғлуб олмуш, һава саһәсиндә дә ардыҹыл ПУА вә учуш апаратларынын мәһв едилмәси илә ифша олунмушдур. Буна ҝөрә өз мәғлубијјәтләрини өрт‑басдыр етмәк үчүн мүлки објектләри һәдәфә алмаға үз тутуб. Онлар билмәлидирләр ки, Иранын мүлки инфраструктурларына тәҹавүзүн ҹавабы олараг бу ҝүн баш верәнләр јалныз ҹавабын биринҹи мәрһәләсидир. Мүлки һәдәфләрә давам едән һүҹумлар Һајфа, Һәбшан, әр-Рувес, Ситра вә Шуејбәнин јандырылмасына өзләри сәбәб олмушлар. Иран әввәлдән елан етмишди ки, һәр бир мүлки һәдәфә тәҹавүз дүшмәнин бөлҝәдәки марагларына икигат ҹавабла гаршыланаҹаг.
СЕПАҺ бәјанатында вурғулајыб: Әҝәр мүлки һәдәфләрә һүҹум тәкрар олунса, әмәлијјатын икинҹи мәрһәләси даһа ҝениш вә даһа сарсыдыҹы олаҹаг. Дүшмәнин бу истигамәтдә исрары онун зијан вә иткиләрини икигат артыраҹаг. Бундан әлавә, јахын ҝәләҹәкдә тәҹавүзкарларын вурдуғу бүтүн зәрәрләр мүтләг онлардан ҝери алынаҹаг вә АБШ верҝи өдәјиҹиләри бу ганунсуз һүҹумларын хәрҹләрини өдәмәјә мәҹбур галаҹаглар.
Sizin rəyiniz