Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Үмүмдүнја Мүсәлманларынын Али Лидери, Ислам Ингилабынын Али Рәһбәринин мүшавирләри Әли Әкбәр Вилајәти вә Мәһәммәд Мүхбир Ағ Евин “ахмаг сәһвләрини” тәкрарламасы вә бунун нәтиҹәләри барәдә хәбәрдарлыг едибләр.
Әли Әкбәр Вилајәти бу ҝүн, базар ҝүнү (5 апрел 2026) Х сосиал шәбәкәсиндә мәналы бир месаж пајлашараг АБШ президенти Доналд Трампа хәбәрдарлыг едиб вә јазыб: Мүгавимәт ҹәбһәсинин ваһид команданлыг гәрарҝаһы Бабүл‑Мәндәб боғазыны Һөрмүз кими гијмәтләндирир вә әҝәр Ағ Ев өз ахмаг сәһвләрини тәкрарламағы дүшүнәрсә, чох тез анлајаҹаг ки, енержи вә глобал тиҹарәт ахыны тәк бир ишарә илә позула биләр.
Вилајәти месажынын давамында вурғулајыб: “АБШ тарихи Ирандан өјрәнсә дә, һәлә дә ҝүҹүн ҹоғрафијасыны өјрәнә билмәјиб.”
Ингилаб Рәһбәринин сијаси мүшавири Мәһәммәд Мүхбир исә АБШ гүввәләринин Тәбәсдә мәғлубијјәти илә Исфаһан шәһәри јахынлығында АБШ тәјјарә вә пилотсуз апаратларынын вурулмасыны ҝөстәрән бир шәкил пајлашараг јазыб: “Тәбәсин Аллаһы јашајыр. Нәһајәт, Американын сахта гүдрәтинин памбығы ашкар олду.”
О, шәхси сәһифәсиндә јајымладығы јазынын давамында гејд едиб: Бу мәғлубијјәтләр јалныз АБШ‑нин һәрби техникасы вә гүввәләри илә бағлы дејил. Ислам дөјүшчүләринин Әләви шүҹаәтиндән доған ҝүҹ вә дүшмән команданлығында ағыл вә тәдбирин олмамасы бизим гәләбә үстүнлүјүмүздүр.
Sizin rəyiniz