Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: АБШ Милли Террорла Мүбаризә Мәркәзинин тәгаүдчү директору Ҹо Кент, Ирана гаршы мүһарибәјә етираз олараг мүбаһисәли истефасындан сонра вердији илк мүсаһибәсиндә Трамп администрасијасындан ајрылмасынын сәбәбләри барәдә әтрафлы данышды.
Мәшһур Америка Республикачысы вә Исраил әлејһинә апарыҹы Такер Карлсонла мүсаһибәсиндә о, бир даһа Иранын АБШ үчүн һеч бир бирбаша тәһлүкә јаратмадығыны вә мүһарибәнин Исраилин тәзјиги алтында башладығыны сөјләди. О, һәмчинин долајы јолла сағчы фәал вә Трамп тәрәфдары олан Чарли Киркин Исраил Лоббиси тәрәфиндән террор едилмәсиндәки ролуну гејд етди вә бу, сосиал медиада ҝениш шәкилдә јенидән пајлашылды.
Сосиал медиада јајымланан клипләрә ҝөрә, Кент дејиб: "Мән Ираны севмирәм, онлар бизим достумуз дејил, амма исраиллиләр бу мүһарибәни саботаж етдиләр вә бизи Американын әсл мәгсәд вә марагларындан јајындырдылар."
О, бирбаша Исраилин ролуна ишарә едәрәк дејиб: “Бу гәрары гәбул едәнләр исраиллиләр иди. Биз билирдик ки, бу, бир сыра һадисәләрә сәбәб олаҹаг, чүнки иранлылар гисас алаҹаглар”.
Кент әлавә етди ки, АБШ Исраили дајандыра биләрди; о вурғулајыб: “Биз исраиллиләрә дејә биләрдик: Хејр, сиз буну етмирсиниз. Әҝәр етсәниз, биз дә сиздән узаглашарыг”.
О, һәмчинин Иранын “гачылмаз нүвә тәһдиди” иддиасы илә бағлы ачыг данышараг деди: “Хејр. Үч һәфтә әввәл бу мүһарибә башлајанда онлар нүвә бомбасынын јахынлығында дејилдиләр, ијун ајында да јох идиләр. Иранлыларын 2004-ҹү илдән бәри нүвә силаһы истеһсалына гаршы дини фәтвасы вар вә биздә онларын бу фәтвадан имтина едәҹәкләринә даир һеч бир дәлил јох иди”.
Ҹо Кент даһа сонра сорушду: “Бу, даһа бөјүк бир мәсәләјә ишарә едир: Хариҹи сијасәтимизи һәгигәтән ким идарә едир?”
О, даһа сонра истефа мәктубундакы ејни ифадәни тәкрарлајараг билдирди; Иран АБШ үчүн һеч бир бирбаша тәһлүкә јаратмыр вә мүһарибә "Исраил вә онун ҝүҹлү Америка лоббисинин тәзјиги сәбәбиндән" башлады.
Ајәтуллаһ Хаменеи Өлүмдән Горхмурду
Кечмиш АБШ тәһлүкәсизлик рәсмиси мүсаһибәсинин башга бир һиссәсиндә Ислам Ингилабынын Али Лидери, Шәһид Имам Хаменеинин (гүддәсә сирруһул али) өлүмдән горхмадығыны етираф едиб; Ҹо Кент бу барәдә дејиб: "Дүшүнмүрәм ки, Ајәтуллаһ өлүмдән горхурду. О, дәли дејилди, әксинә билирди ки, әҝәр өлдүрүлсә, Иран Ислам һөкумәти јенә һакимијјәтдә галаҹаг вә халг Ислам Һакимијјәтинә дәстәк олаҹаг."
Чарли Киркин суи-гәсди Исраиллә бағлыдыр
Кеннет ачыглады ки, 2025-ҹи илин сентјабрында суи-гәсд нәтиҹәсиндә өлдүрүлән Чарли Кирклә сон ҝөрүшү Ағ Евдә олуб вә Кирк она дејиб: "Ҹо, бизә Иранла мүһарибәјә ҝетмәјә мане ол."
АБШ Террорла Мүбаризә Мәркәзинин истефа верән директору деди: "Трампын ән јахын мәсләһәтчиләриндән бири ачыг шәкилдә биздән Иранла мүһарибәјә ҝетмәмәјимизи вә һеч олмаса исраиллиләрлә мүнасибәтләримизи јенидән нәзәрдән кечирмәјимизи истәјирди."
Кент изаһ етди ки, командасы Киркин террор едилмәси илә бағлы "хариҹи гүввәләрин әлагәсини" арашдырмаға чалышыб, лакин о дејиб: "Бизә һеч бир суал вермәјә иҹазә верилмәди... арашдырылмалы олан мәлуматлар будур."
О әлавә етди ки, ФТБ вә АБШ Әдлијјә Назирлији истинтагы блоклајыб вә иши Јута штатынын јерли һакимијјәт органларына верибләр, бурада атыҹы террор актында иштирак едән јеҝанә шәхс кими мүәјјән едилиб.
Ҹо Кент вурғулады ки, суи-гәсддә хариҹи әли олдуғуна даир арашдырма апарылмалы олан реал дәлилләр вар иди, лакин бунун гаршысы гәсдән алыныб.
АБШ Милли Террорла Мүбаризә Мәркәзинин вәзифәдән ҝедән директору даһа сонра ачыглады: “Ҹавабсыз галмыш чохлу суал вар. Јајымланан СМС-ләрдән билирик ки, Чарли бир чох Исраил тәрәфдары донорлар тәрәфиндән бөјүк тәзјиг алтында олуб”.
Sizin rəyiniz