Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Русија Мүдафиә Назирлији ики Украјна һәрби һеликоптерини мәһв едән Шаһед 136 пилотсуз тәјјарәнин һүҹумунун ҝөрүнтүләрини јајымлајыб.
Вурулан верталијотлардан бири Украјна Һәрби Һава Гүввәләринин Совет дөврүнә аид Ми-24 һүҹум вертолјотудур. Диҝәри исә әввәлләр дәфәләрлә һава дәстәји әмәлијјатларында истифадә едилән чохмәгсәдли Ми-8-дир.
Видеода Канатово һәрби аеродромунда ики ајры зәрбә ҝөстәрилир. Ҝөрүнтүләрдә бир операторун дронларын инертиал һәдәф системләринә көмәк етдији ҝөрүнүр.
Електрон мүһарибә үзрә експерт вә Украјна мүдафиә назиринин мүшавири Серҝеј Бескрестов һүҹуму тәһлил едәркән билдириб ки, "Бу дронлар радар ашкарланмасындан јајынмаг үчүн чох ашағы һүндүрлүкләрдә мануал шәкилдә идарә олунуб".
Гејд едәк ки, Русија мүдафиә секторунун Ҝеран-2 (Русијада Шаһед 136 белә адланыр) дронларынын истеһсал ҝүҹү 2022-ҹи илин сонларында истифадәјә верилдикдән бәри кәскин шәкилдә артмышдыр. Беләки һәр ај бу дронлардан 3000-дән артыг дүзәлдији билдирилир.
Sizin rəyiniz