Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Үмүдүнја Мүсәлманларынын Али Рәһбәри Ајәтуллаһ Сејид Әли Хаменеи сионист режимин Иран халгына гаршы башлатдығы 12 ҝүнлүк мүһарибәдә шәһид олмуш һәрбчиләрин, алимләрин вә динҹ вәтәндашларын шәһадәтләринин гырхынҹы ҝүнү мүнасибәтилә кечирилән аным мәрасиминдә билдириб:
“Иран халгы Аллаһын көмәји илә иманы ҝүҹләндирмәк вә елмин мүхтәлиф саһәләринин ҝенишләндирмәк јолундан дөнмәјәҹәк. Вә дүшмәнин хошуна ҝәлмәсә дә Ираны тәрәгги вә гүрур зирвәсинә чатдыраҹајыг.”
Мәрасим бу ҝүн Имам Хомејни (рә) Һүсејнијәсиндә шәһид аиләләринин, мүхтәлиф иҹтимаи тәбәгәләрин вә бир сыра дөвләт рәсмиләринин иштиракы илә баш тутуб.
Ајәтуллаһ Хаменеи бу мүһарибәни Ислам Республикасынын ирадә вә ҝүҹүнүн тәзаһүрү, еләҹә дә онун сарсылмаз әсасларынын нүмајиши адландырыб.
Ингилаб Рәһбәри Ислам Республикасынын тәмәлини ики әсасы үзәриндә, “дин” вә “елм” үзәриндә гурулдуғуну вурғулајараг билдирибләр:
“Иран халгы вә ҝәнҹләри бу ики тәмәлә архаланараг мүхтәлиф саһәләрдә дүшмәни ҝери чәкилмәјә мәҹбур едибләр вә бундан сонра да белә едәҹәкләр. Дүшмәнләрин нүвә програмы, зәнҝинләшдирмә вә инсан һаглары бәһанәләри ҝерчәк сәбәб дејил. Онларын әсл нараһатлығы вә дүшмәнчилијинин сәбәби Ислам Республикасынын елми, техники, дини вә һуманитар саһәләрдә ортаја гојдуғу јени сөз вә баҹарыглардыр.”
Имам Хаменеи һәзрәтләри, сон мүһарибәдә шәһид олмуш командир, алим вә әзиз вәтәндашларын аиләләринә бир даһа башсағлығы верәрәк билдириб:
“Иран халгы һәмин 12 ҝүндә бөјүк бир шәрәфә наил олду вә бу ҝүн дүнја да буну етираф едир. Бу милләт ҝүҹүнү, дөзүмүнү, әзмини вә ирадәсини ортаја гојду вә беләҹә Ислам Республикасынын гүдрәтини һәр кәс јахындан һисс етди.”
Вәлијји Фәгиһ Мүслимин, ҹинајәткар Американын башчылыг етдији глобал тәкәббүрүн Ислам Республикасына гаршы чыхмасынын әсас сәбәбини дин, елм, Гуран вә Исламын сајәсиндә јаранан иранлыларын бирлији һесаб едәрәк вурғулајыб:
“Онларын нүвә, зәнҝинләшдирмә вә инсан һаглары кими тәгдим етдикләри бәһанәдир. Онларын нараһатчылығынын вә мүхалифәтинин әсас сәбәби јени дискурсларын ортаја чыхмасы, Ислам Республикасынын мүхтәлиф елм вә һуманитар елмләр, технолоҝија вә дин саһәсиндә әлдә етдији имканларыдыр.”
Sizin rəyiniz