Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Президенти Мәсуд Пезешкиан Франсанын јени сәфири Пиер Кушарын етимаднамәсини гәбул едәркән билдириб: “Иран мүһарибә тәрәфдары дејил вә диалога һазырдыр, лакин мүмкүн бир тәҹавүз тәкрарланаҹағы тәгдирдә ҹавабы ҝүҹлү вә гәтијјәтли олаҹаг.”
Доктор Пезешкиан, гаршылыглы һөрмәт вә ортаг мәнафеләр әсасында ики өлкә арасында әмәкдашлығын ҝенишләнмәси үчүн сәфирә уғурлар арзулајыб.
Президент әлавә едиб ки, Иран Ислам Республикасы, хүсусилә 14-ҹү һөкумәт дөврүндә дахили һәмрәјлик вә дүнја илә гаршылыглы әмәкдашлыг јолуну тутур, лакин Гәрб өлкәләри јалан тәблиғат вә Ираны нүвә силаһы истеһсалына ҹәһд етмәкдә иттиһам етмәклә бу просеси позурлар.
О, вурғулајыб ки, Иран бејнәлхалг ганунлар чәрчивәсиндә өз һүгугларыны тәләб едир вә бу чәрчивәдәки өһдәликләрә садигдир:
“Неҹә ки, кечмишдә нүвә фәалијјәтләримизә ән сәрт нәзарәт режимини гәбул етмишик, инди дә бу саһәдә әмәкдашлыға һазырыг. Амма бу, Иран халгынын һүгугундан имтина етмәк мәнасына ҝәлмир. Биз диалога ачығыг вә мүһарибә истәмирик, лакин мүмкүн бир тәҹавүз тәкрарландығы тәгдирдә ҹавабымыз сарсыдыҹы олаҹаг.”
Sizin rəyiniz