Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Малајзијанын хариҹи ишләр назири Мәһәммәд Һәсән, “Ҹәнуб-Шәрги Асија Хариҹи Ишләр Назирләринин Топлантысы” илә бағлы кечирилән иҹласда Гәзза золағында давам едән СОЈГЫРЫМ вә һәрби ҹинајәтләри писләјиб вә билдириб ки, бу һадисәләр бирбаша бејнәлхалг һүгугун статусунун ашынмасынын нәтиҹәсидир.
О, Гәзза золағында баш верәнләрин фәләстинлиләрин изтирабларына гаршы икили стандартларын јүрүдүлдүјүнү ҝөстәриҹиси олдуғуну вурғулајыб.
Малајзијанын хариҹи ишләр назири Ҹәнуб-Шәрги Асија Хариҹи Ишләр Назирләринин Иҹласындакы чыхышында өлкәсинин сионистләрин Фәләстин мүлки вәтәндашларына гаршы төрәтдикләри ҹинајәтләрин давам етмәсиндән дәрин нараһатлығыны ифадә едиб.
Мәһәммәд Һәсән Фәләстин халгынын изтирабларына мәһәл гојмамағын әдаләтә зәрәр вурмагла јанашы, бејнәлхалг һүгуг системини дә тәһдид етдијини вурғулајараг, бејнәлхалг иҹтимаијјәти сионист режимин ҹинајәтләринин дајандырылмасы үчүн тәҹили тәдбирләр ҝөрмәјә чағырыб.
Sizin rəyiniz