Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Пакистанын ҹәнуб-гәрбиндә бомба јүклү автомобил партладылараг мәктәбли ушаглары дашыјан автобусла тоггушмасы нәтиҹәсиндә азы 4 ушаг шәһид олуб.
Јерли һакимијјәт органларынын мәлуматына ҝөрә, һадисә заманы даһа 38 нәфәр дә јараланыб. Бу камикадзе партлајышы Бәлуҹистан әјаләтинин Хуздар шәһәриндә баш вериб.
Реҝион рәсмиси Јасир Игбал һүҹумда ушаглары мәктәбә апаран автобусун һәдәф алындығыны билдириб.
Партлајыша ҝөрә мәсулијјәти һәлә һеч бир груп өз үзәринә ҝөтүрмәјиб, бахмајараг ки, әввәлләр гејри-сабит бөлҝәдә тәһлүкәсизлик гүввәләрини вә мүлки инсанлары һәдәфә алан Бәлуҹ сепаратчы азлығы әсас шүбһәлиләрдир.
Пакистанын Бәлуҹистан бөлҝәси узун мүддәтдир ки, үсјанчы груплар вә силаһлы һүҹумлар, о ҹүмләдән “Бәлуҹистан Азадлыг Ордусу” террор груплашмасы үчүн дөјүш мејданы олуб. Бу террор груплашмасына бағлы силаһлы үнсүрләр өтән илин сонларында сәрнишин гатарына һүҹум вә сәрнишинләрин ҝиров ҝөтүрүлмәсинә ҝөрә мәсулијјәти өз үзәринә ҝөтүрүб.
Sizin rəyiniz