АБНА24 Хәбәр Верир, буну Иранын Ҝәмичилик Тәшкилатынын иҹрачы директору Мәһәммәд Рза Модәррес Хијабани Иранын Ҝилан вилајәтинин валиси Арсәлан Заре илә ҝөрүшдә дејиб. М.Р.Модәррес Хијабанинин сөзләринә ҝөрә, илк мәрһәләдә 2 јени ҝәми Иранын Хәзәр Дәнизчилик Ширкәтинә тәһвил вериләҹәк. О, әлавә едиб ки, Иранын мәгсәди гоншу өлкәләр, хүсусилә дә Русија илә тиҹарәт дөвријјәсини артырмагдыр. Ҝөрүшдә Иранын Ҝилан вилајәтинин валиси Арсәлан Заре дә билдириб ки, Шимал-Ҹәнуб Нәглијјат Дәһлизи чәрчивәсиндә Иран һөкумәти бир сыра аддымлар атыб вә бу аддымларын атылмасыны давам етдирир. А.Заре дејиб ки, Иранын шималында Хәзәр дәнизиндә ҝәмиләрин артырылмасы, јениләнмәси вә лоҝистика имканларынын јарадылмасы да бу аддымлар чәрчивәсиндәдир. Онун сөзләринә ҝөрә, белә ки, ҝәлән он ил әрзиндә дәмирјолу хәтти илә јүкдашыма потенсиалы тәхминән 10 милјон тона чатаҹаг. Гејд едәк ки, Иранын Хәзәр дәнизиндә 24 тиҹарәт ҝәмиси фәалијјәт ҝөстәрир. Иранын Хәзәр дәнизиндәки лиманлары илә мәһсул ихраҹы өтән илин аналожи дөврү илә мүгајисәдә 40% артыб.
342/
