АБНА24 Хәбәр Верир, Фәрмана әсасән, ишғалдан азад едилмиш әразиләрдә дајаныглы мәскунлашма үчүн мүасир вә лајигли һәјатын тәмин едилмәси, бүтүн саһәләрдә гуруҹулуг-бәрпа вә абадлыг ишләринин апарылмасы, һабелә тәһлүкәсиз јашајышын, сәмәрәли фәалијјәтин вә рифаһын давамлы артмасынын дәстәкләнмәси мәгсәдилә "Гарабағ Дирчәлиш Фонду” публик һүгуги шәхс јарадылыб. “Гарабағ Дирчәлиш Фонду” публик һүгуги шәхс (бундан сонра – Фонд) Азәрбајҹан Республикасынын ишғалдан азад едилмиш әразиләринин бәрпасы вә јенидән гурулмасы, һабелә дајаныглы игтисадијјата вә јүксәк рифаһа малик реҝиона чеврилмәси истигамәтиндә һәјата кечирилән тәдбирләрә малијјә дәстәји ҝөстәрилмәсини вә сәрмајәләрин ҹәлб едилмәсини, бу саһәдә дөвләт-өзәл тәрәфдашлығынын инкишафыны тәмин едән, еләҹә дә өлкә дахилиндә вә өлкә хариҹиндә зәрури тәшвигат ишләрини һәјата кечирән публик һүгуги шәхсдир", - дејә Фәрманда гејд едилиб. Фондун фәалијјәтинә үмуми рәһбәрлији вә нәзарәти һәјата кечирмәк үчүн Мүшаһидә Шурасы јарадылыр. Фондун фәалијјәтинә ҹари рәһбәрлији 3 (үч) үзвдән – сәдр вә онун ики мүавининдән ибарәт Идарә Һејәти һәјата кечирир.
342/
