Әһли Бејт - АБНА – Хәбәр Аҝентлијинин вердији хәбәрә әсасән, Сентјабрын 3-ү сәһәр саат 4-дән етибарән Дашкәнд сакинләри Өзбәкистан президенти мәрһум Ислам Кәримовла видалашмаг үчүн һәр ҝүн онун ишә ҝедиб-ҝәлдији “президент јолу” бојунҹа топлашыблар.
Сәһәр саат 7.00-да матәм кортежи Дашкәнд һава лиманына јола дүшүб. Һава лиманында матәм кортежини мин нәфәрдән артыг адамын гаршыладығы хәбәр верилир. Ислам Кәримовун ҹәназәси ағ мәхмәр өртүјә вә өлкәнин бајрағына бүрүнүб.
Мәрасими десант бөлүјү, дини хадимләри вә Кәримовун јахынлары мүшајиәт едиб.
Һава лиманы әразисиндә ҹәназәни һәрбчиләр дашыјыб вә сәһәр саат 09:00-да Сәмәргәндә јола салыб. Ону да гејд едәк ки, һазырда Сәмәргәнддә һава мәканы мүлки рејсләр үчүн бағлыдыр.
Түркмәнистан Президенти Гурбангулу Бердымәһәммәдов вә Таҹикистанын дөвләт башчысы Имомәли Рәһмон дәфн мәрасиминдә иштирак етмәк үчүн Өзбәкистана јола дүшүбләр. Русија, Гырғызыстан вә Газахыстан вида мәрасиминдә баш назирләр, Азәрбајҹан исә спикер сәвијјәсиндә тәмсил олунур.
Өзбәкистанда үч ҝүнлүк матәм елан едилиб. Баш назир Шөвкәт Мирзијајевин башчылығы илә 22 нәфәрлик дөвләт дәфн комиссијасы јарадылыб. Өзбәкистан Конститусијасына ҝөрә, президентин сәлаһијјәтләрини мүвәггәти олараг, Сенатын сәдри Нигмәтулла Јулдашев иҹра едәҹәк.
Үч ајдан сонра Өзбәкистанада президент сечкиләри кечирилмәлидир.
Диггәт: Хәбәрдәнистифадәетдикдәмәнбәјәистинадлазымдыр
