Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иранлылар Гарабағда сон ҝүнләр ҝенишләнән һәрби әмәлијјатларда Азәрбајҹан ордусунун јанында олдуглары месажыны верибләр.
Урмија бөлҝәсиндә Милләт Мәҹлиси намизәдләри вә Тәбриз бөлҝәсиндән милләт вәкилләри Гарабағдакы һәрби әмәлијјатларла бағлы мүнасибәтләрини билдирибләр.
Урмијада Милләт Мәҹлиси сечкиләринә намизәд олан Сејид Һади Бәһодари рәсми интернет сәһифәсиндә билдириб ки, Гарабағ әбәдијјән Ислам торпағыдыр вә Азәрбајҹана аиддир:“Биз вар ҝүҹүмүзлә ишғалчы Ермәнистаны гынајырыг вә истәјирик ки, дәрһал бу торпаглары тәрк етсинләр. Аллаһдан Шәһид олан Мүсәлманлара рәһмәт диләјирик”.
Урмијадан диҝәр намизәд Руһуллаһ Һәзрәтпур исә чыхышларында билдириб:“Үмүмдүнја Мүсәлманларынын Али Рәһбәринин дедији кими Гарабағ Азәрбајҹана аиддир. Биз Ермәнистандан истәјирик ки, бу мүһарибәјә сон гојсун вә Азәрбајҹан торпагларындан чәкилсинләр”.
Тәбриздә исә милләт вәкили Мәһәммәд Есмаил Вәкили билдириб ки, Гарабағ Азәрбајҹанын вә Мүсәлманларын һаггыдыр. Ән гыса заманда өз саһибләринә гајтарылмалыдыр”.
Әрдәбилдә дә халг күчәләрә чыхараг, мүхтәлиф јерләрдә Азәрбајҹан дөвләтини вә ордусуну дәстәкләјән шүарлар јазыб вә парчалар асыблар. Әрдәбилдә азәрбајҹанлылар “Гарабағ Ислам јурдудур”, “Гарабағ Азәрбајҹанындыр” кими шүарлары диварлара јазыб вә шәһәрин мүхтәлиф јерләриндә плакатлар формасында асыблар.
Диггәт: Хәбәрдән истифадә етдикдә мәнбәјә истинад лазымдыр
