Әһли Бејт (әлејһимус сәлам) -АБНА- Хәбәр Аҝентлији- Гызыл ҝүл (вә јахуд роза һәр икиси ејни ҝүлдүр) бејин фәалијјәтини чохалдыр вә ону һәрәкәтә ҝәтирир, әсәб системини ҝүҹләндирир вә руһи сакитлији бәрпа едир. Сачлары гырхдыгдан сонра баша ҝүлаб сүртмәк хәстәликләрин гаршысыны алыр, ҝөзү ишыгландырыр вә ҝөрмә габилијјәтини артырыр. Кечмишдә Бәрбәрләр-дәлләкләрин (Иранда онлара Сәлмани дејилир) әсас вәзифәси сачы азалтдыгдан сонра баша ҝүлаб вурардылар. Онлар бу иши һәзрәти Сәлмании Фарсијә нисбәт верирдиләр. Елә бу сәбәбдән дә Иранда онлара Сәлмани дејилир. Бир сөзлә десәк Гызыл ҝүл ант-бактериал ҝүлләр сырасына дахилдир.
Азәрбајҹан халгынын да ән ҝөзәл адәт вә әнәнәләриндән бири һүзүр мәҹлисләриндә ев саһиби вә баш сағлығы вермәјә ҝәлән гонагларын әлләринә Ҝүлаб сују төкмәкдир. Чүн ки, Ҝүлаб әсәби сакитләшдирир вә үрәји ачыр, инсаны кәдәрдәдн узаг едир.
Тарихдә дә гејд едилир ки, Имам Һүсејнин (әлејһи сәлам) Кәрбәлаја сәфәр едән карванындакы јүкләрдән бир гисми Ҝүлаб вә әтир иди.
Ҝүлабын тәсирләри:
Ҝөзү ишыгландырыб ҝөрмә габилијјәтини артырмаг, Стрес, гәм вә гүссәни арадан апармаг, ҝөз вурма вә бәд нәзәри узаглашдырыр, әсәб синирләрини сакитләшдирир, гәлби шадландырыр.
Ҝүлабы ијләмәк гәлби ҝүҹләндирир, һушсузлуғу арадан апарыр вә инсанын дахили һиссијјатларыны ҝүҹләндирир.
Ҝүлабы ичмәк вә ја ијләмәк баш ағрыларына чох көмәк едир. Хүсуси илә, атмосферин чирклилијиндән вә јахуд сәс-күјдән јаранан баш ағрылары үчүн хејли фајдалыдыр.
Ҝүлаб Ислам Пејғәмбәри (сәлләллаһу әлејһи вә алиһ) вә Мәсум Имамларымызын (әлејһимус сәлам) Сүннәсиндә
Әзиз Ислам Пејғәмбәри (сәлләллаһу әлејһи вә алиһ) бујуруб: “Ҝүлаб инсан абырлы гәрар верәр –јәни һөрмәтини чохалдар, парлаг гәрар верәр вә фәгирлији- касыблығы арадан апарар.”
Мәкаримул Әхлаг, сәһ. 86. Һилјәтул Мүттәгин, сәһ. 260.
Имам Рза (әлејһи сәлам) бујуруб: “Һәр ким истәјирсә нурә- ваҹиби онун бәдәнини јандырмасын нурәни гојдугдан бир аз сонра ону јусун вә бир аз мигдарда Гызыл ҝүл јағы илә бәдәнин масаж етсин.”
Амма Итбурну адланан Гызыл ҝүлүн дибчәјинин исә, өзүнә мәхсус фајдалары вардыр.
Белә ки, Итбурну чајы чох фајдалы мүалиҹәви ичкидир. Бу чај иммун системини стимуллашдырыр вә мөһкәмләндирир, бактерија әлејһинә тәсир едир, илтиһаблары азалдыр.
Сојуг гыш ајларында, сојугдәјмә епидемијалары заманы бу чај бизә чох јахшы мүалиҹәви вә профилактик көмәк едә биләр.
Итбурну бир чох ваҹиб витамин вә минералларла зәнҝиндир. Белә ки, итбурну тәркибиндә Ҹ витаминин мигдарына ҝөрә әсл чемпиондур. Фитотерапевт һәкимләри итбурнуну "тәбии витамин-минерал комплекси" адландырырлар.
Һәмчинин итбурну чајы үрәк-дамар системи хәстәликләрдән әзијјәт чәкәнләр үчүн чох фајдалыдыр - артериал тәзјиги нормаллашдырыр, дамарлары тәмизләјир вә мөһкәмләндирир, ганазлығы заманы көмәк едир.
Итбурну сидикговуҹу вә илтиһабәлејһинә тәсирә маликдир. Бу исә итбурну чајыны сидик кисәси вә сидик јоллары илтиһаблары заманы чох тәсирли мүалиҹәви васитә кими истифадә етмәјә имкан верир.
Сојугдәјмә вә грипп хәстәликләри заманы итбурну чајы хәстәнин вәзијјәтини јүнҝүлләшдирир, сағалманы тезләшдирир.
Итбурну чајы һазырламаг үчүн 1 хөрәк гашығы итбурну мејвәси үчүн 1 стәкан гајнар су ҝөтүрүлүр. Итбурну мејвәләрини дәмләндикдән әввәл һәвәнҝдәстәдә јахшы әзмәк лазымдыр. Чајы ахшамдан термосда дәмләјин, сәһәр исә бир нечә дәфә стерил тәнзифдән сүзүн. Бу чох ваҹибдир. Мәсәлә бурасындадыр ки, итбурнунун ичәрисиндә кичик түкҹүкләр вар ки, бу түкҹүкләр мәдә-бағырсаг системинә дүшдүкдә, ону гыҹыгландыра биләр.
Итбурну чајыны ҝүн әрзиндә 2-3 дәфә 1/2 стәкан (100 мл) олмагла гәбул етмәк олар. Чаја зөвгә ҝөрә бал әлавә етмәк олар. Бал чајын фајдалы хүсусијјәтләрини даһа да артыраҹаг. Лакин нәзәрә алмаг лазымдыр ки, балы исти чаја әлавә етмәк олмаз. Бу һалда балын фајдасы кәскин азалыр.
Әҝәр сиздә һәр һансы хроники хәстәликләр варса, бу чајы гәбул етдикдән әввәл сизә нәзарәт едән һәкимлә мәсләһәтләшин. Бәзи хәстәликләр заманы итбурну чајынын гәбулу зијанлы ола биләр.
Диггәт: Хәбәрдән истифадә етдикдә мәнбәјә истинад лазымдыр
