Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Академик Ҹәлал Әлијев дөвләтин 1-ҹи өзәлләшдирмә програмынын ҝедишиндә Бакыда бир нечә истеһсал вә тиҹарәт мүәссисәсинин өзәлләшдирилмәсинә јахындан гатылыбмыш.
Бунларын арасында Мәркәзи Универмаг, Кешләдәки Бакы әт комбинаты, «Ҝөјәзән» чөрәк заводу, анбар кими истифадә олунан «Бакы Ҝејим» АСҸ, «Ҝүнәш» шадлыг сарајы вә с. вармыш. «Бакы Шампан Шәраблары» АСҸ инвестисија мүсабигәси јолу илә Ҹәлал Әлијевин һәјат јолдашы Елеанора Газыбәјованын тәсисчиси олдуғу ширкәтләрдән биринин адына өзәлләшдирилибмиш.
Мәлуматлы гајнаг – она тәзјигләр олмасын дејә кимлијини ачыгламаг истәмәјән сәһм базары иштиракчыларындан бири АзадлыгРадиосуна дејиб ки, 2014-ҹү илдә јухарыда адлары чәкилән ширкәтләрдән бир чохунун (МУМ, «Бакы-Әт» вә «Бакы Ҝејим») сәһмләри Ҹәлал Әлијевин Лондонда јашајан јеҝанә өвлады – Иззәтханым Ҹавадованын адына кечирилиб. Јенә һәмин гајнағын мәлуматына ҝөрә, бу сәһмләр кичик сәһм саһибләриндән алынаркән, Ҹәлал Әлијев сәхавәтли давранмыш вә базар гијмәтини ашан гијмәт өдәјибмиш.
Рәсми мәлуматлара әсасән, Иззәтханым Ҹавадованын Азәрбајҹандан башга Инҝилтәрә вә Испанијада да мүлкләри вар.
Ҹәлал Әлијевин мирасына даир сәнәдләрдән бәзиләринин сурәтләри
Диггәт: Хәбәрдән истифадә етдикдә мәнбәјә истинад лазымдыр
