Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Шәрги Азәрбајҹан әјаләтиндә јүздән артыг Азәрбајҹан шаир вә јазычысы бәјанат јајыб.
Бәјанатда дүшмән шәбәкәләрин алчаг вә рүсвајчы аддымларына, Әһли-Бејт (ә) мүгәддәслијинин ашағыланмасы вә пантүркист сепаратчылыға, Һәзрәт Сиддигеји-Күбра, Фатимеји-Зәһраја (ә) һөрмәтсизлијә нифрәтини билдирмиш, мәсуллардан бу аддымын иҹрачы вә һимајәдарларынын мүһакимәси вә ҹәзаландырылмасыны тәләб етмишдир. Азәрбајҹан шаир вә јазычылары Бакы дөвләтинин Нардаран шиәләринә ганлы вә амансыз һүҹумуну гәтијјәтлә писләмиш, Һүсејн (ә) әзадарлығынын кечирилмәсинә манечилији мәһкум етмишдир. Иран Ислам Республикасы мәсулларындан истәнилмишдир ки, дүнјанын истәнилән бир нөгтәсиндә шиәләр һимајә едилсин.
Бәјанатда дејилир:
Һәзрәт Пејғәмбәр (с) бујурур: “Шүбһәсиз, Аллаһ-Таала Фатимәнин (с.ә) гәзәбләнмәси илә гәзәбләнәр, разылығы илә разы галар... Һәгигәтән Фатимә (ә) мәним ҝөзүмүн нуру, гәлбимин сәмәрәсидир.”
Бу мәнфур һәрәкәт 30 ил бундан өнҹә илаһи мүгәддәсликләри, Һәзрәт Пејғәмбәр (с) вә онун Әһли-Бејтини (ә), Гурани-Кәрими тәһгир едән рүсвајчы “Шејтан ајәләри” китабынын нәшри илә башламышдыр. Сонрадан Гәрб өлкәләри, инсан һүгуг вә азадлыгларынын сахта мүдафиәчиләри тәрәфиндән һимајә олунмушдур. Фасиләли шәкилдә бу рүсвајчы нүмајиш үзәриндән пәрдә галдырылыр, гәрблиләр, онларын әлалтылары, муздур јазычылар, онларын информасија шәбәкәләри васитәси илә лајиһәләр иҹра едилир. Сон илләрдә Данимарка, Һолландија вә Франсада русвајчы карикатураларын нәшри илә Һәзрәт Пејғәмбәрин (с) шәхсијјәтинә һөрмәтсизлик едилмишдир. Америкалы кешиш ашкар елан етди ки, Гурани-Кәрими јандыраҹаг. Американын сабиг вә шәр президенти Ҹорҹ Буш хач јүрүшүнүн башламасындан сөз ачмышлар. Диҝәр тәрәфдән, бәзи мүсәлман өлкәләриндә мүгәддәсликләрин тәһгири вә гарајахма кампанијас апармаға сәј ҝөстәрилмишдир. Бакыда рүсвајчы “Шејтан ајәләри” китабы, еләҹә дә Һәзрәт Пејғәмбәрә (с) үнванланмыш тәһгирамиз мәгаләләр, Гурани-Кәрим вә Әһли-Бејти (ә) ашағылајан јазылар мәтбуата чыхмышдыр. Бундан әлавә, Бакы дөвләти мәсҹидләрин сөкүлмәси, һиҹаб гадағасы, һиҹаб гадағасына етираз едәнләрин, доктор Мөвсүм Сәмәдов (Ислам Партијасынын сәдри), мүбариз руһани Абҝүл Сүлејмановун һәбси кими рүсвајчы аддымлар атмышдыр. Бу рәфтарлар Гумун бөјүк мәрҹә алимләри, о ҹүмләдән Һәзрәт Ајәтуллаһ Шәбүстәри вә гејрәтли Азәрбајҹан халгы тәрәфиндән етиразла гаршыланмышдыр. Ингилаби һәрәкатларда һәмишә өндә ҝедән гәһрәман Тәбриз халгы аксијалар кечирмиш, Тәбриздә Бакы дөвләтинин консуллуғу гаршысында топлашараг Бакыдакы анти-ислам һәрәкәтләрә етиразыны билдирмишдир. Чох тәәссүф ки, Бакы дөвләтинин халга гаршы зоракы рәфтарлары шиддәтләнмәкдәдир. Сон ҝүнләр диндар Нардаран гәсәбәсинә ганлы вә амансыз һүҹум һәјата кечирилмиш, гәсәбәнин бир груп шиә сакини залымҹасына шәһадәтә чатдырылмышдыр. Бир груп диндар, о ҹүмләдән Тале Багирзадә вә Зүлфүгар Микајилзадә кими танынмыш руһаниләр һәбс едилмишдир. Иранын шималында, Азәрбајҹан Республикасынын мүхтәлиф мәнтәгәләриндә шиәләрә гаршы репрессијалар ҝүҹләнмишдир. Бакы дөвләти Нардаран гәсәбәсини мүһасирәјә алмыш, гәсәбәнин сују, ишығы вә газы кәсилмишдир. Һадисә јеринә үз тутан журналистләр гәсәбәјә бурахылмамышдыр. Гәсәбәнин он минләрлә мәзлум сакини олдугҹа ағыр вәзијјәтдәдир. Гәсәбәдә јүзләрлә полис гүввәси јерләшдирилмишдир. Һүсејн (ә) әзадарлығынын символлары, бајраглар јығышдырылмыш, һәмишә әзәмәтлә кечирилән Әрбәин мәрасиминин гаршысы алынмышдыр. Бакы дөвләтинин Нардаран гәсәбәсинә силаһлы һүҹуму јени һадисә дејил. Бу һадисә әввәлләр дә баш вермишдир. Гәсәбә Һүсејн (ә) мәктәбинә шәһидләр тәгдим етмишдир. Азәрбајҹан шаир вә јазычылары Һүсејн (ә) әзадарлығы, һиҹаб, мәдрәсәләрдә Гуран тәдрисинә гадағалар, шиә фәалларын һәбси вә азадлыгсевәр инсанларын гәтли, анти-шиә ишғалчы сионист режим, Америка, Түркијә илә бу ишдә һәмкарлыглары Бакы дөвләтинин анти-дин, анти-шиә сијасәтләри үнванында мәһкум едир. Азәрбајҹан шаир вә јазычылары Иранын Шималында, Азәрбајҹан Республикасы халгынын мүбаризә вә мүгавимәтини дәстәкләјир, хүсуси илә мөмин вә мүҹаһид Нардаран әһалисини һимајә едир. Биз һәбсә алынмыш диндарларын, о ҹүмләдән доктор Мөвсун Сәмәдов, Абҝүл Сүлејманов, Тале Багирзадә, Зүлфүгар Микајилзадәнин тәҹили азад олунмасыны тәләб едирик. Онларын јеҝанә тәгсири ибтидаи азадлыглар тәләб етмәләри, һиҹаб вә Һүсејн (ә) әзадарлығына шиә бир мәмләкәтдә азадлыг истәмәләри олуб.
Азәрбајҹан шаир вә јазычылары гејрәтли Шәрги Азәрбајҹан халгынын Хибрә Мәҹлисиндә нүмајәндәси һәзрәт Ајәтуллаһ Шәбүстәринин ганлы Нардаран һадисәләри илә бағлы мөвгејини һимајә едир, Иран Ислам Республикасы мәсулларыны дүнјанын истәнилән бир мәнтәгәсиндә, хүсуси илә јахын кечмишдә Ирандан ајрылмыш, јени гурулмуш гоншу Азәрбајҹан Республикасында шиәләрин гәтли вә репрессијасына гаршы аддым атмасыны тәләб едирик. Диҝәр тәрәфдән, тәәссүфлә билдиририк ки, Америка вә Бакы дөвләтләри тәрәфиндән ҝизли вә ачыг шәкилдә сијаси вә малијјә бахымындан һимајә олунан пантүркист дүшмән шәбәкәләр узун илләрдир Ислам мәдәнијјәти, шиә кимлијинә гаршы, Иранда вәһдәт вә милли бирлијә јөнәлмиш фаәлијјәтләр ҝөстәрир. Бу шәбәкәләр тәфригә јарадыр, ејни динә мәнсуб милли азлыглар арасында нифрәт тохуму сәпир.
Мүштәрәк дин вә мәдәнијјәтә малик олан халглар арасында парчаланма јарадан бу гүввәләр, империализм ахурундан гидалананлар өз чөһрәләриндән нигабы галдырыб ачыг шәкилдә мәсум имамларын шәхсијјәтинә, мүгәддәсликләрә, Һәзрәт Сиддигеји-Күбра, Фатимеји Зәһраја (с.ә) гаршы тәһгирә әл атыблар. Дүшмән вә пантүркист шәбәкәләрин мәнфур аддымлары шәхсијјәтсиз инсанларын чиркин сөзләри илә сәһнәјә чыхыр, тарихбоју Әһли-Бејт (ә) вилајәтинин бајрағы алтында олан шиәләрин, хүсуси илә Азәрбајҹан халгынын гәлбини гана булашдырыр. Азәрбајҹанлыларын гәзәб вә нифрәти дүшмән информасија шәбәкәләри, анти-ислам ҹәрәјанлар, пантүркистләрин фәалијјәтләри нәтиҹәсиндә ики гат ҝүҹләнмишдир. Әлбәттә ки, аҝаһ азәриләр белә мәнбәләрин, ҹәрәјанларын, шәбәкәләрин, биҝанә вә анти-ислам гүввәләрин маһијјәти илә танышдыр. Сон ҝүнләр информасија шәбәкәләриндә, сосиал шәбәкәләрдә јајылан чыхышлар, шәрһләр, шеирләр Азәрбајҹан халгынын бәсирәтини ҝөстәрир. Ислам дүшмәнләри узун илләр сәмәрәсиз тәлашдан сонра Азәрбајҹан халгы арасында нифаг сала билмәјиб, онларын Әһли-Бејт (ә) мәктәби вә ингилаба, Ислам Республикасынын әрази бүтөвлүјүнә һөрмәтини ҝөрүб, дәрк едибләр ки, тарих боју азәриләрин гәләбә рәмзи Һәзрәт Сиддигеји-Күбра, Әһли-Бејтә (ә) бағлылыг, севҝи олуб. Шаһ Исмаил Сәфәвинин гијамы кими талејүклү гијамлар, Иранда Милли Вәһдәт һөкумәтинин јарадылмасы, Мәшрутә ингилабы, тәнбәки гадағасы һәрәкаты, 1356-ҹы ил, 29 бәһмән гијамы, Ирана гаршы 8 иллик тәҹавүзкар мүһарибәдә Иранын әрази бүтөвлүјүнүн фәдакарлыгла мүдафиәси Әһли-Бејт (ә) мәктәбинә бағлылыг, әбәди Һүсејн (ә) һәрәкатына сәдагәт, халгла руһанијјәт арасында вәһдәт сајәсиндә мүмкүн олуб. Бу һәрәкатларда тарихи шүарлар верилиб: “Азәрбајҹан ојагдыр, ингилаба дајагдыр”, “Азәрбајҹан ҹанбаз, Хаменеидән ајрылмаз”...
Дүшмән өз фитнәкар планларында уғурсузлуглардан гәзәбләнәрәк пак Әһли-Бејт (ә) мәктәбинин ачыг тәһгиринә үз тутуб. “Шејтан ајәләри” китабынын әрсәјә ҝәлмәси илә бу һәрәкатын инҝилис ҹәрәјана бағлылығы ашкарланыб. Бу вахтда гәдәр биҝанәләрин чиркин мәгсәдләринә хидмәт едән насионализм, ана дили тәәссүбү кими лајиһәләр сәмәрә вермәди, бу истигамәтдә фәалијјәтләрдән үмиди үзүләнләр ачыг-ашкар Әһли-Бејт (ә) мәктәби илә дүшмәнчилик бајрағы галдырдылар. Азәрбајҹан халгынын, онун дини етигадларынын гаршысында ҹәбһә јаратдылар.
Биз Азәрбајҹан шаир вә јазычылары Иран халгынын мүхтәлиф мејданларда, талејүклү имтаһанларда вәһдәтини гәләбә рәмзи кими ҝөрмүшүк. Милләтчи, анти-ислам, биҝанәләрә бағлы гүввәләр халг арасында тәфригә вә парчаланма јаратмаға чалышыр. Биз мәсуллардан тәләб едирик ки, вәһдәтә гаршы олан вә сепаратчы фаәлијјәтләрә мүнасибәтдә ҹидди тәдбирләр ҝөрүлсүн. Бу дүшмән планлары мүхтәлиф формаларда, о ҹүмләдән мәһәлли мәтбуатда, тарих вә мәдәнијјәтин, милли кимлијин тәһрифи шәклиндә, елми әсасы олмајан мәгаләләрин јазылмасы, милли вә дини кимлијә јөнәлмиш китабларын тәрҹүмәси, заһирән инҹәсәнәт ады алтында тәдбирләр кечирилмәси илә өзүнү ҝөстәрир. Бу фәалијјәтләрдә кечмиши гаранлыг милләтчи фәрдләр дә рол ојнајыр.
Биз Азәрбајҹан шаир вә јазычылары дүшмән информасија шәбәкәләринин биҝанәләрин һимајәси алтында пак Әһли-Бејтә (ә) гаршы әдәбсизлик вә тәһгиринә нифрәтимизи билдиририк. Ислам Республикасы мәсуллары, хүсуси илә Хариҹи Ишләр Назирлији, Иршад Назирлији, мәһкәмә органлары, Ислам Шура Мәҹлиси, хүсуси илә азәрбајҹанлы депутатларын Америка вә Бакы режиминин һәрәкәтләринә мүнасибәтдә аддым атмасыны тәләб едирик. Биз тәләб едирик ки, белә дүшмән шәбәкәләринин фәалијјәтинә сон гојулсун, Әһли-Бејт (ә) мәктәбинин тәһгири илә мәшғул олан инсанлар ҹәзаландырылсын. Дүшмән шәбәкәләр, фәрдләр, Пејғәмбәр (с) Әһли-Бејтини (ә) ашағылајанлар, Пејғәмбәрин (с) “ҝөзүмүн нуру, гәлбимин сәмәрәси” адландырдығы Һәзрәт Фатимеји-Зәһраја (ә) һөрмәтсизлик едәнләр, 100 милјонларла мүсәлман вә шиәнин етигадыны тәһгир едәнләр бу хәбис ағаҹын көкү газылана гәдәр ҹәзаландырылмалыдыр.
Азәрбајҹан шаир вә јазычылары
Диггәт: Хәбәрдән истифадә етдикдә мәнбәјә истинад лазымдыр
