Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, мүәллиф һүгугу һагда ганунвериҹилији поздуғуна ҝөрә АБШ һакимијјәтинин тәгиб етдији «MegaUpload.com» хидмәтинин јарадыҹысы Ким Дотком « SydStart » конфрансында мәхфи вә тәһлүкәсиз «МеҝаНет» һагда јени тәфәррүатлар ачыглајыб.
Онун сөзләринә ҝөрә, бу шәбәкә интернетә алтернатив олаҹаг. Мүһәндисләр артыг бир нечә илдир ки, онун јарадылмасы үзәриндә чалышыр.
«Mashable» јазыр ки, «SydStart» стартаплар конфрансында Ким Дотком гыса видеочыхышында билдириб ки, јени глобал шәбәкәнин әсасыны «blockchain» алгоритми тәшкил едир. Һәмчинин интернетә дахил олан гурғулара уникал үнванлар (IP) верилмәјәҹәк, беләликлә, истифадәчини изләмәк һеч ҹүр мүмкүн дејил.
Бундан башга, һәтта суперкомпүтерләрин көмәји илә мүдахиләни гејри-мүмкүн етмәк үчүн јени шәбәкәдә чох узун крипто ачарлар тәтбиг едиләҹәк.
Диггәт: Хәбәрдән истифадә етдикдә мәнбәјә истинад лазымдыр
