Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, јәһуди ишғалчыларына гаршы 68 ил мүбаризәдән сонра “Мүшаһидәчи статусун” газана билән Фәләстинин бајрағы 30 Сентјабр 2015 тарихиндә БМТ-нин мәнзил-гәрарҝаһында уҹалдылыб.
“Фәләстин халгынын адындан мән бу бајрағы БМТ-дә галдырырам. Бу тарихи һадисәдир. 30 сентјабр Фәләстин бајрағы ҝүнү олаҹаг” - Фәләстин лидери Маһмуд Аббас бәјан едиб.
БМТ-нин баш катиби Пан Ги Мун билдириб ки, бу ҝүн бүтүн фәләстинлиләри үчүн гүрур ҝүнүдүр.
Гејд едәк ки, Фәләстин әразиләрини ишғал етмиш вә орада гондарма исраил адлы јәһуди дөвләти гурмуш сионист режими һадисә илә бағлы ҹидди шәкилдә етираз едиб вә БМТ-јә үзв олан дөвләтләри бунун әлејһинә сәс вермәјә чағырыб.
119 сәслә кечән просес, Исраил вә АБШ да дахил олмагла, сәккиз үзв дөвләтин әлејһинә сәсвермәси илә кечиб.
Бөјүк Британија вә диҝәр АИ өлкәләри дахил олмаг, 45 өлкә сәсвермәдә битәрәф галыб. Франса, Исвеч, Италија, Испанија, Ирландија вә Словенија исә леһинә сәс вериб.
Хатырладаг ки, 2012-ҹи илдә БМТ Фәләстинин статусуну "гејри-үзв мүшаһидә дөвләт" кими артырараг Ассамблеја иҹласларында иштирак иҹазәси вериб.
Диггәт: Хәбәрдән истифадә етдикдә мәнбәјә истинад лазымдыр
