Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Шимали Кореjа АБШ-ы "индиjә гәдәр дүнjаjа мәлум олмаjан һүҹум васитәси"лә һәдәләjиб.
Кореjа Халг Демократик Республикасынын тәһдидләри Ҹәнуби Кореjанын һәр ил Бирләшмиш Штатларла кечирдиjи бирҝә тәлимләрлә бағлыдыр.
КХДР-нын Милли Мүдафиә Комитәсинин мәтбуат катиби билдириб ки, тәлимләр заманы Ҹәнуби Кореjа вә АБШ-ын һәрби ҝүҹүнүн артмасы Шимали Кореjаны онлара ҹаваб вермәк мәҹбуриjjәтиндә гоjур.
АБШ Дөвләт Департаменти, өз нөвбәсиндә геjд едиб ки, "тәлимләр тамамилә шәффафдыр вә мүдафиәнин мөһкәмләндирилмәсинә jөнәлиб. Шимали Кореjанын һәрби идарәсиндә гоншу өлкәдә кечириләҹәк тәдбирләри тәһлүкә һесаб едәрәк, "нә нүвә силаһы, нә дә түфәнҝлә деjил, мәһз индиjә гәдәр дүнjаjа мәлум олмаjан сон һүҹум вә мүдафиә васитәсилә мүгавимәт ҝөстәрәҹәкләри" илә һәдәләjирләр".
Диггәт: Хәбәрдән истифадә етдикдә мәнбәjә истинад лазымдыр
