Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Террорчулар ишғал олунмуш әразиләрдә мүалиҹә олунурлар
Суриjанын тәһлүкәсизлик мәнбәләри террорчу групларын jаралыларынын ишғал олунмуш әразиләрдә мүалиҹә олунмаларынын давам етмәсиндән хәбәр вериб.
Суриjа рәсми хәбәр аҝентлиjи- САНА-нын мәлуматына ҝөрә, адынын ҝизли галмасыны истәмиш бир суриjалы тәһлүкәсизлик мәнбәjи Суриjанын һеч заман сионист режимин фитнәләри гаршысында тәслим олмаjаҹағыны билдирәрәк, деjиб ки, Суриjанын ҹәнубундакы Сувәjда мәнтәгәси jахынлығындакы Әлсәәлә һәрби һава лиманынын әлә кечирилмәси үзрә дөjүшләр заманы jараланмыш террорчулар ишғал олунмуш әразиләрдә вә сионист режим тәрәфиндән мүалиҹә олунурлар.
Бу суриjалы мәнбәнин дедиjинә ҝөрә, сионист режим ордусунун һәрби кәшфиjjат органынын үнсүрләри бу террорчуларын ишғал олунмуш әразиләрдәки хәстәханалара көчүрүлмәләрини һәjата кечирибләр.
Суриjанын орду вә тәһлүкәсизлик гүввәләри ҹүмә ахшамы ҝүнү террорчуларын бу өлкәнин ҹәнубундакы Сувәjда мәнтәгәси jахынлығында jерләшән Әлсәәлә һәрби һава лиманыны ишғал етмәк үзрә һүҹуму илә мүбаризә апарыб вә онлары ағыр мәғлубиjjәтә уғрадараг, тәгрибән 122 террорчуну өлдүрүб, онларла террорчуну да jаралаjыблар.
Бунунла бағлы, сионист Һааретс гәзети дүнәнки саjында jазыб ки, 2012-2014-ҹү илләр арасында сионист режимин баш назринин бирбаша ҝөстәриши илә Гәрб өлкәләриндән бириндә бу режимин бир хәфиjjә башчысы илә Суриjа һөкумәти мүхалифләринин табелиjиндә олан мәсул шәхсләр арасында ҝизли ҝөрүшләр кечирилиб.
Бәзи реҝион өлкәләринин дәстәjи илә 2011-ҹи илин мартында террорчу груплар тәрәфиндән Суриjа бөһранынын башланмасындан бәри бу өлкә әһалисиндән он минләрлә нәфәр һәлак олуб.
Диггәт: Хәбәрдән истифадә етдикдә мәнбәjә истинад лазымдыр
