Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹанда диндарларын етиразындан сонра АНС каналы үзр истәмәjә мәҹбур олду вә Азәрбаjҹанын һиҹаблы гадынларыны тәһгир едән апарыҹысыны кәнарлашдырды.
АНС ефириндә jаjымланан “Инҹә мараглар” верилишинин апарыҹысы Елнарә Тәһмәзованын чадралы ханымлары тәһгир етмәси вә Азәрбаjҹан Республикасы ҹәмиjjәтиндә бирмәналы гаршыланмаjан фикирләр әтрафында галмагал давам етмәкдәдир.
Мәсәлә илә бағлы АНС-ин иҹтимаиjjәтлә әлагәләр шөбәсинин рәһбәри Маис Мәммәдов азнеwс.аз-а деjиб ки, апарыҹы конкрет кимисә тәһгир етмәjиб: “Чох адам чох шеj jаза биләр. Хошларына ҝәлмир бахмасынлар. Һамы инди тәләб едир. Ҝөзүмүз аjдын, нә гәдәр канал вар, башгасына бахсынлар. О апарыҹы конкрет кимисә тәһгир етмәjиб”.
АНС каналынын рәсмисинин бу сөзләри ҹәмиjәтин даһа артыг гәзәбинә сәбәб олду вә чох чәкмәди ки, АНС үзр истәмәjә мәҹбур олду.
АНС мүраҹиәт jаjараг билдириб ки, апарыҹы Елнарә Тәһмәзованы ефирдән кәнарлашдырыб вә онун мүәллифи олдуғу "Инҹә Мараглар" вә “Инҹә+” верилишләринин jаjымынын даjандырылмасы барәдә гәрар вериб.
АНС Ширкәтләр Групунун витсе-президенти Миршаһин Ағаjев деjир: “Факт артыг ортададыр, тамашачы һиссиjjатына тохунулуб вә АНС рәһбәрлиjи кими Биз тамашачылардан үзр истәjирик”.
Геjд едәк ки, “Инҹә мараглар” верилишинин апарыҹысы Елнарә Тәһмәзова чадра өртән ханымлары “баjгуш”а бәнзәдиб.
Диггәт: Хәбәрдән истифадә етдикдә мәнбәjә истинад лазымдыр
