Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Сәудиjjә шаһзадәси Сәуд бин Сеjф Наср Крал Салманын jашланмасына ишарә едәрәк билдириб ки, "әмим гоҹалдығы үчүн ағлыны итириб. Бунан ҝөрә дә, Сәуд ханәданы онун jеринә уjғун бирини тәjин етмәлидир."
Сәудиjjә шаһзадәси Тwиттер профилиндә белә jазыб: "Крал Мәһәммәд бин Салманын оғлу, вәлиәһд Мәһәммәд бин Наjиф кралын зәифлиjиндән суи-истифадә едир вә ону шәхси мараглары истигамәтинә jөнәлдир. Өлкәнин ҝәләҹәjини исә һеч ким дүшүнмүр. Бу бир һәгигәтдир вә һәр кәсин буну ҝөрмәси лазымдыр: Крал мөвҹуд физики вә психоложи вәзиjjәти илә әлагәдар гәрар верә биләҹәк мөвгедә деjил. Мәһз бу вәзиjjәтдән сүлаләjә мәнсуб олан оппортунистләр өз мараглары истигамәтиндә истифадә едир. Сәуд ханәданы бу вәзиjjәтә сон вермәлидир."
Шаһзадә даһа сонра билдирир ки, һакимиjjәтдәки сүлалә мәсулиjjәтсиз һәрәкәт едир вә диҝәр шаһзадәләрин икиүзлүлүjүнә ҝөз jумур. Бу да өлкәнин ҝәләҹәjини ҹидди мәнада тәһдид едән бир һалдыр: "Сараjдакы һаллар һеч дә үрәкачан деjил вә мән бу ҝедишата даһа чох дөзә билмәjәҹәjәм. Шаһзадәләрин бу мәнфи ҝедишата етираз етмәләрини ҝөзләjирәм. Әҝәр кимсәдән бир сәс чыхмаса, шәхсән өзүм ишә башлаjаҹағам. Чүнки бу дини вә милли бир мәсәләдир. Бу вәзиjjәт гаршысында сәссиз галмаг ҝүнаһ саjылыр."
Диггәт: Хәбәрдән истифадә етдикдә мәнбәjә истинад лазымдыр
