Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Өтән ҝүн, 15.04.2025-ҹи ил тарихдә, ҝүнорта саатларында (чәршәнбә ҝүнү), Новрузун –(Јени Илин) башланмасы мүнасибәтилә Иран Ислам Республикасынын үч әсас структуру Президент Апараты, Ислам Шурасы Мәҹлиси-парламент вә Али Мәһкәмәсинин јүксәк вәзифәли рәсмиләринин Үмүдүнја Мүсәлманларынын Али Рәһбәри илә ҝөрүшүбләр.
Ислам Ингилабынын Али Рәһбәри бу ҝөрүшдә гејд едибләр ки, давамлы нәзарәт өлкәнин мәгсәдләринин ҝерчәкләшдирилмәси јолунда итирилмиш һалгадыр. Илин шүарынын ҝерчәкләшдирилмәси үчүн чалышмаг үч гүввәнин ортаг ҝүндәлији олмалыдыр.
Имам Хаменеи һәзрәтләри, һабелә Оман данышыгларынын нәтиҹәләринә ифрат никбинлик вә ја ифрат бәдбинлик ҝөстәрмәкдән чәкинмәји дә төвсијә едәрәк, бу данышыглара ҝөрә өлкәни асылы вәзијјәтдә гојмамағы вурғулады: “Оман данышыглары Хариҹи Ишләр Назирлијинин онларла фәалијјәтиндән садәҹә биридир. Өлкәнин бүтүн саһәләр үзрә гаршыја гојулмуш мәгсәдләрин ҝерчәкләшдирилмәси истигамәтиндәки фәалијјәтләринин темпи даһа јүксәк сүрәтлә давам етдиримәлидир вә һеч бир ишин талејини бу данышыглардан асылы етмәјин”.
Ислам Ингилабынын Али Рәһбәри гаршы тәрәфә, јәни Америкаја чох бәдбин олдуғуну вурғулајараг билдирибләр: "Оман данышыглары гәрара алынмыш бир ишдир вә илкин мәрһәләләрдә дә јахшы шәкилдә иҹра олунуб. Әлбәттә, гаршы тәрәфә хејли бәдбиник, амма өз имкан вә баҹарыгларымыза гаршы никбин".
Һәзрәти Ајәтуллаһ Хаменеи данышыглардакы гырмызы хәтләрин бәлли олдуғуну билдирди вә гејд едәрәк бујурдулар: "Оман данышыгларынын илк мәрһәләсиндәки һәрәкәт јахшы олуб. Бундан сонра да бу просес диггәтлә изләнилмәлидир. Гырмызы хәтләр һәм гаршы тәрәф үчүн, һәм дә бизим үчүн бәллидир".
Зати Алиләри, Һәзрәти Имам Хаменеи санксијалары зәрәрсизләшдирмәјин јолундан данышыараг вурғулајыблар: "Санксијалары зәрәрсизләшдирмәјин ән јахшы јолларындан бири дахили сәрмајә јатырымларына олан манеәләри арадан галдырмагдыр".
Үмүдүнја Мүсәлманларынын Али Рәһбәри санксијалары зәрәрсизләшдирмәјин мүмкүн олдуғуну гејд еедәрәк билдирибләр: "Санксијалары зәрәрсизләшдирмәк мүмкүндүр. Һәтта әҝәр дахили потенсиаллардан јахшы истифадә олунса, өлкәни санксијалар гаршысында там зәрәрсиз вә давамлы һала ҝәтирмәк олар. Јәни санксија тәтбиг олунса белә, өлкә өзүнү вәзијјәтдән чыхара билсин".
Ислам Ингилабынын Али Рәһбәри ҝөрүшдә давамлы иҹра нәзарәтинин гәрар гәбул етмәкдән даһа ваҹиб олдуғуну вурғулајараг әлавә едибләр: “Өлкәдә јахшы ганунлар, гајдалар вә лазыми лајиһәләр мөвҹуддур, амма нәзарәт јетәрсизлији мәгсәдләрин гәнаәтбәхш шәкилдә ҝерчәкләшмәсинә мане олур”.
Вәлијји Фәгиһ, јүксәк бензин сәрфијјаты, тәһсил әдаләтинин јетәрли шәкилдә һәјата кечмәмәси вә зәиф тәбәгәләрин проблемләри кими мәсәләләрин давамлы иҹра нәзарәти васитәсилә һәлл олуна биләҹәјини деди: “Үч гүввәнин башчылары вә гурумларын мәсул шәхсләринин истәји, һәвәси вә мотивасијасы јахшы олса да, јетәрли дејил. Лазыми нәзарәтләрин олмамасы сәбәбиндән рәһбәрләрин гәрарлары вә исрарлары идарәетмә мәрһәләләриндә зәифләјир вә ајры-ајры һалларда һәјата кечмир”.
Имам Хаменеи Һәзрәтләри игтисади нәһәнҝләрлә мүнасибәти асанлашдырмағы төвсијә етди вә бујурду: "Тиҹарәт әлагәләри гоншу өлкәләрә үстүнлүк верилмәклә ҝенишләндирилмәлидир. Чин, Русија вә Һиндистан кими Асијада игтисади нәһәнҝ сајылан өлкәләрлә игтисади мүнасибәтләри асанлашдырын".
Үмүдүнја Мүсәлманларынын Али Лидери фашист сионист режиминин Гәззаәдә төрәтдикләри вәһшиликләрә тохунараг белә бујурду: "Һәгигәтән, Фәләстин үзәриндә һөкмранлыг едән бу сионист ҹинајәткар дәстә ҹинајәткарлыгда һәдди ашыб".
Һәзрәти Ајәтуллаһ Хаменеи тарихдә белә бир вәшиликин ҝөрүлмәдијини вурғулајараг билдирибләр: "Мән бу ҹүр һәрәкәти, јәни мәгсәдли шәкилдә вә хүсуси һәдәфлә мәзлумлара, ушаглара, хәстәләрә, журналистләрә, хәстәханалара, тәҹили јардым машынларына һүҹум едилмәсини һеч јердә ҝөрмәмишәм".
Үмүдүнја Мүсәлманларынын Али Лидери Ислам Дүнјасынын сионист режим мүгабилиндә Фәләстин Халгына һәр тәрәфли јардым ҝөстәрмәсини вурғулајараг билдирибләр: "Ислам Дүнјасы, сионист режимин ҹинајәтләри гаршысында һәм игтисади, һәм сијаси вә зәрури олдугда әмәли бахымдан да бирҝә вә һәмаһәнҝ шәкилдә һәрәкәт етмәлидир".
Имам Заман Һәзрәтләринин Һагг Наиби Олан һәзрәти Ајәтуллаһ Хаменеи "Сионистләр Аллаһын гамчысынын интизарында олсунлар", – дејәрәк вурғулајыблар: "Сионистләрин зүлмү Аллаһын шиддәтли ҹавабына мәруз галаҹаг, бунда һеч бир шүбһә јохдур. Лакин бу, ҹамаатын, бизим вә һөкумәтләрин үзәринә дүшән вәзифәләри азалтмыр".
Sizin rəyiniz