Оман Султанынын Теһран сәфәри ики ҝүн давам едәҹәк. Бу барәдә Оман Султан Сарајы мәлумат јајыб.
Оман Султаныны бу ики ҝүнлүк сәфәрдә бир сыра назирләр вә јүксәк вәзифәли шәхсләр мүшајиәт едир.
Оман Султан Сарајынын мәлуматына ҝөрә, Султан Һејсәм бин Тариг Али Сәидин Ирана ҝөзләнилән сәфәри Султанлыг вә Ислам Республикасы арасында достлуг әлагәләринин мөһкәмләндирилмәси, онлар арасында сәмәрәли мүнасибәтләрин вә меһрибан гоншулуғун мөһкәмләндирилмәси контекстиндә вә Ислам Республикасы президентинин дәвәтинә ҹаваб олараг, баш верир.
Һәмчинин бу ачыгламаја әсасән, Оман Султанынын Теһрана сәфәри реҝионал вә бејнәлхалг аренада мүхтәлиф һадисәләри мүзакирә етмәк, ики өлкә арасында мүхтәлиф саһәләрдә әмәкдашлығын мөвҹуд аспектләрини јахшылашдыраҹаг һәр шеји инкишаф етдирмәк үчүн ики лидер арасында давамлы мәсләһәтләшмәләр вә координасија чәрчивәсиндә баш верир.
Иран президенти Сејид Ибраһим Рәиси Сәадабад сарајында Оман султаны Һејсәм бин Тариг Али Сәиди рәсми гәбул едәҹәк.
Бу сәфәр мүхтәлиф саһәләрдә әмәкдашлығы инкишаф етдирмәк үчүн бир фүрсәт вә ики өлкә арасында икитәрәфли мүнасибәтләрин мөһкәмләндирилмәси вә ҝәләҹәк әмәкдашлығын даһа да гурулмасы истигамәтиндә мәнтиги аддымдыр. Ҝәләҹәкдә Маскат вә Теһран арасында даһа чох координасија вә бирҝә әмәкдашлыг ҝөзләнилир.
342/
