Мәдәнијјәт ТВ-дән јајымланан маһны Азәрбајҹан Республикасы мүсәлманларыны гәзәбләндириб.
Сосиал медиа истифадәчиләри билдирирләр ки, бу сон кадрлар һакимијјәтин әсл хисләтини нүмајиш етдирир вә ајдын олур ки, онун исламофобија илә мүбаризә вә ја Азәрбајҹан мәсҹидләринин ермәни вандаллығына мәруз галмасы барәдә дедикләри ријакарлыгдан башга бир шеј дејил. Чүнки һаким режим толерантлыг вә плүралисм сијасәти илә фактики олараг һәгиги Ислам дәјәрләринин инкишафына мане олуб вә шиә халгынын инанҹларына зидд олан мәфкурәнин јајылмасына зәмин јарадыр.
Һесаб едилир ки, инсанларын бајрам намазларында вә ја Ашура мәрасиминдә издиһамлы иштиракы режимин үрәјинҹә олмајан мәнзәрәләрдир. Бу сәбәбдән өтән ил Дини Етигад һаггында Гануна Дүзәлиш ады алтында Ислам ҹамиәсинә бир-чох мәһдудијјәтләр тәтбиг олундуғу һалда шиәлик вә Әһли-Бејтә мәһәббәт сәһнәләринин шаһиди олан режим ҹәмијјәти дүзҝүн јолдан ајырмаг вә Әсл Мәһәммәд (с.ә.с) Исламыны инсанлара чатдыран нүфузлу руһаниләри һәдәфә алмаг үчүн фүрсәт ахтарырды. Нәһајәт бу ҝүнләрдә “Иран аҝенти” дамғасыны вурмагла танынмыш руһаниләри вә исламчылары ҝөздән салмаг вә сусдурмаг јолуну тутуб, рәсми тәблиғатда исә диндән суи-истифадә етмәји унутмур.
Бунунла әлагәдар режим нүмајәндәләри Иранла сәрһәд Худафәрин көрпүсүнүн јанына Һејдәр Әлијев Мәсҹидинин сарај ахундуну ҝәтирәрәк Фәтһ сурәсини охутдуруб вә ону Иҹтимаи Телевизијадан јајымлајыблар.
Гәрибә әһвалат јараныр. Дүнјәвилији вә һәтта атеизми тәблиғ едән һакимијјәтин сајәсиндә Азәрбајҹан халгы бәлкә дә илк дәфәдир ки, Гуран тилавәтини дөвләт телевизијасындан дәнләјир. Лакин Мәдәнијјәт каналындан атеизмин тәблиғи режимин маһијјәтини там чылпаглығы илә ортаја гојду: Әлијев дөвләти дүнјәви јох, атеист режимдир.
342/
