Нед Прајс билдириб ки, Вашингтон давамлы сүлһә наил олунмасы үчүн һәм үчтәрәфли, һәм дә чохтәрәфли форматларда иштиракыны давам етдирир: “Биз Ермәнистан вә Азәрбајҹанла бирбаша мүзакирәләрдә иштирак етмәјә давам едирик. Биз буну икитәрәфли едирик, биз буну өз тәрәфдашларымызла бирликдә едирик, биз буну чохтәрәфли институтлар васитәсилә едирик”,- АБШ Дөвләт Департаментинин сөзчүсү дејиб.
О әлавә едиб ки, Вашингтон Азәрбајҹан вә Ермәнистан арасында узун мүддәтдир ајрылыглара сәбәб олмуш мәсәләләрин һәлли вә давамлы сүлһә наил олунмасы үчүн тәрәфләр арасында бирбаша диалог ҝөрмәјә үмид едир.
Азәрбајҹанын сабиг хариҹи ишләр назири, танынмыш политолог Тофиг Зүлфүгаров исә модерн.аз-а вердији мүсаһибәсиндә гәрб дөвләт вә гурумларынын Азәрбајҹанла Ермәнистан арасында сүлһүн бәргәрар олунмасында мараглы олмадыгларыны билдириб: “Тәәссүфләр олсун ки, Ермәнистанын хариҹдәки һавадарлары мүнагишәнин давам етмәси үчүн сөздә, бәзән сијаси мүстәвидә она мүәјјән дәстәк верирләр. Биз ҝөрүрүк ки, һәлә бејнәлхалг гурумлар, бејнәлхалг ојунчулар Ермәнистаны бејнәлхалг ганунлара риајәт етмәјә мәҹбур етмир. Вәзијјәт тәхминән мүһарибәдән әввәлки кимидир.”
Политолог сон ҝүнләр АБШ дөвләт катиби Ентони Блинкен Президент Илһам Әлијевә телефон зәнҝиндә Лачын дәһлизи илә бағлы нараһатлығыны дилә ҝәтирмәсинә дә мүнасибәт билдириб: “Лачын јолу ҝүндәмә ҝәтирилир, анҹаг гејри-гануни силаһлы груплашмаларын Гарабағдан чыхарылмасы мәсәләси ҝүндәмә ҝәтирилмир. Ҹидди мәсәләләри гыраға гојуб, икинҹи дәрәҹәли мәсәләләри ҝүндәмә ҝәтирирләр.”
Тофиг Зүлфүгаров АБШ-ын Ермәнистанда анти-русија әһвалаты јаратмаг мәгсәди илә ермәниләрин ҝөзләнтиләрини јеринә јетирмәкдә олдуғуну дејиб: “Бир сөзлә, сүлһ мөвзусу һеч кимин марағында дејил. Бу зәнҝләр мәнасыздыр. Садәҹә ермәниләрә хош ҝәлмәк, онларда анти-русија әһвалыны јаратмаг мәгсәди дашыјырлар. Белә зәнҝләрә ҹидди јанашмаг лазым дејил.
342/
