Амма полис гүввәләри аксија иштиракчыларыны һәлә метронун "Ичәри Шәһәр" стансијасынын гаршысындакы бағда амансызлыгла сахламаға башлајыб.
Туран хәбәр аҝентлији Аксијанын башладығы анларда вердији мәлуматында билдирир ки,вахташыры бағда "Азадлыг!", "Истефа!", "Азадлыг, әдаләт, милли һөкумәт!" вә с. шүарлар сәсләндирән етиразчылар ҝөрүнүр.
Онлар сахланылыр вә бармаглыглы пәнҹәрәләри олан хүсуси автобуслара миндирилир. Амма сахланыланлар автобусларда шүарлар сәсләндирмәјә давам едирләр.
Туранын мәлуматында о да билдирилир ки,полис амансыз давраныр, журналистләрин чәкилиш апармасына манеә јарадыр.
Онларла инсан сахланылыб.
Аксија Азәрбајҹан Халг Ҹәбһәси Партијасы тәрәфиндән топлашмаг азадлығынын тәмин едилмәси, гуру сәрһәдләрин ачылмасы, сијаси мәһбусларын азад едилмәси, азад сечкиләр кечирилмәси вә демократик ислаһатлар апарылмасы тәләби илә тәшкил олунаҹагды.
