Илһам Әлијев нојабрын 8-дә Шушада һәрбчиләр гаршысында чыхышы заманы Сепаһын бу јахынларда Араз чајынын гырағында һәрби тәлимләр кечирмәсини Ермәнистана дәстәк кими дәјәрләндириб. О, гоншу өлкәни тәһдид етмәкдән белә чәкинмәјиб. “Бизим Ордумуз гәһрәманлыг, пешәкарлыг, фәдакарлыг ҝөстәриб. Лазым оларса, бир даһа ҝөстәрәрик, истәдијимизә наил оларыг, буну һәр кәс билир вә бизим сәрһәдимиздә Ермәнистана дәстәк олараг һәрби тәлим кечирәнләр дә билсинләр. Бизи һеч ким горхуда билмәз”, - дејә Әлијев билдириб.
Аилә режиминин башчысы Иранын гоншулуг сијасәти чәрчивәсиндә Ермәнистанла чох јахын әлагәләр гурмасына вә Пашинјанын сон ҝүнләр Иранда јүксәк сәвијјәдә гаршыланмасына да өз ирадыны билдириб вә бу ҝөрүшдән тәшвишә дүшдүјүнү ҝизләдә билмәјиб. Илһам Әлијев дејиб: “Мәсҹидләри дағыдана мүсәлман өлкәләринин рәһбәрләри гуҹаг ача билмәз, биләр? Онлары гуҹаглајыб өпә биләр? Бу, ријакарлыгдыр, бу, сатгынлыгдыр. Бунун башга ады јохдур”.
342/
