Әлијев Макронун "Русија Азәрбајҹан ојунуну ојнајыр вә ҝәрҝинлији Азәрбајҹанын хејринә гызышдырмагла мәшғулдур" кими бәјанатларыны гәрәзли вә Русијаја гаршы бәјанатлар кими характеризә едиб.
"Бундан сонра Франса һөкумәтинин белә мүнасибәти чәрчивәсиндә Азәрбајҹан-Ермәнистан мүнасибәтләринин нормаллашдырылмасы ишиндә Франсанын һәр һансы рол ојнамасынын һеч бир мүмкүнлүјүнү ҝөрмүрүк", - дејә Илһам Әлијев гејд едиб.
О, сөзләринин давамында Франса хариҹи ишләр назиринин Азәрбајҹан әлејһинә бәјанатларыны вә 44 ҝүнлүк мүһарибәнин ортасында Франса Сенатынын ашағы палатасында "Дағлыг Гарабағы" таныјан гәтнамәнин гәбул едилмәсини тәнгид едиб вә әввәлки Франса президентләри илә мүнасибәтләрин дүшүнүлмүш олдуғуну , Еммануел Макронун исә бүтүн бунларын үстүндән хәтт чәкдијини билдириб.
Әлијев Дағлыг Гарабағ мүнагишәсини "һәлл едилмиш" һесаб едиб вә Парисин АТӘТ-ин Минск Групунун һәмсәдри олараг, Бакы илә Ирәван арасында васитәчилик ролунун "зәрәрли" вә бу ролун давам етдирилмәсини лүзумсуз олдуғуну билдириб.
Макронун телевизија ачыгламалары Владимир Путинин дә реаксијасына сәбәб олуб.
Франса президенти Русијаны Ҹәнуби Гафгазда сабитлији позмагда вә гарышыглыг јаратмагда иттиһам едиб. Франса президенти дејиб: "Русија Гафгаз реҝионунда сабитлији позмаг сәјләри чәрчивәсиндә Ермәнистан вә Азәрбајҹан арасында бир мүддәт өнҹә баш верән сон тоггушмаларда мәгсәдјөнлү тәхрибат төрәдиб".
342/
