Ислами Фәалијјәт Ҹәбһәсинин рәһбәри Шејх Гази Һәнинә бу ҝүн, 10 октјабр 36-ҹы Бејнәлхалг Ислам Бирлији Конфрансынын бешинҹи вебинарында дејиб: "Биз Аллаһ Рәсулуна (с) севҝи бајрағы алтында, Уҹа Аллаһа, Гурани-Кәримә вә Ислама иман бајрағы алтында топлашырыг. Бу, һәмин вәһдәтдир ки, Ислам шәриәти бир чох һалларда вә иман, ибадәт, әхлаг вә давранышын мүхтәлиф аспектләриндә ондан бәһс едир".
О әлавә едиб: "Мүсәлманлар Ислам шәриәт һөкмләри, илаһи һөкмләр, Гуран һөкмләри вә Рәсули-Әкрәмин (с) сүннәсинә бағлылыг саһәсиндә вәһдәт тәшкил едир вә бир-бири илә мүттәһиддирләр. Бүтүн һәдисләр мүсәлманлары сөз вәһдәтинә, хәтт вәһдәтинә, иман вә Ислам гардашлығына дәвәт едир".
Ислами Фәалијјәт Ҹәбһәсинин рәһбәри дејиб ки, бу ҝүн биз Ислам ҹәмијјәтинин һәјатында јени мәрһәлә илә үз-үзәјик. “100 јени ил” адландырдығымыз бу мәрһәләдә мүсәлманлар әсас рол ојнамалыдырлар.
Һәнинә, “Ислам бирлији”нин Уҹа Аллаһа имандан сонра ән ҝүҹлү силаһ олдуғуна ишарә едәрәк дејиб: "Бу бахымдан бирлик тәһлүкәсизлик ҝәтирир вә Ислам динини, Ислам дүнјасындакы мүсәлманларын малларыны, Фәләстин мәсәләсини горујур".
Һәнинә сонда дејиб ки, Ислам дини бүтүн мүсәлманлары бир-биринә бағлајан амилдир. Һамымыз Уҹа Аллаһын дининин сајәси алтындајыг. Биз һамымыз Ислам шәриәтинә вә Уҹа Аллаһын китабына әмәл едирик.
342/
