һадисә нәтиҹәсиндә көрпү үзәриндә һәрәкәтдә олан гатарын једди јанаҹаг систерни алышыб.
Мәлуматда гејд олунур ки, Крым көрпүсүндә јүк машынынын партладылмасы гатарын једди јанаҹаг систернинин алышмасына сәбәб олуб.
Шәнбә ҝүнү Русија Федерасијасы Милли Антитеррор Комитәсинин (МГК) информасија мәркәзиндән мәлумат верилиб ки, бу ҝүн Таман јарымадасы тәрәфдән Крым көрпүсүнүн автомобилләр үчүн нәзәрдә тутулмуш һиссәсиндә јүк машыны партлајыб вә нәтиҹәдә Крым јарымадасына доғру һәрәкәт едән гатардакы 7 јанаҹаг чәни јаныб. Көрпүнүн ики автомобил јолу золағы гисмән учуб.
Һадисәдән дәрһал сонра Русија президенти Владимир Путин Крым көрпүсүндә фөвгәладә вәзијјәтлә әлагәдар һөкумәт комиссијасынын јарадылмасы барәдә ҝөстәриш вериб.
Русија дөвләт башчысынын мәтбуат катиби Дмитри Песков бу барәдә билдириб: "Русија президенти баш назирә тапшырыб ки, һадисәнин сәбәбләрини ајдынлашдырмаг вә нәтиҹәләрини тезликлә арадан галдырмаг үчүн һөкумәт комиссијасы формалашдырсын."
Песков ону да билдириб ки, дөвләт башчысынын тапшырығы илә назирләр Савелјев вә Куренков һадисә јеринә ҝедибләр.
Өз нөвбәсиндә Украјна дахил ишләр назиринин мүшавири Вадим Денисенко дејиб: “Крым көрпүсүнүн дағыдылмасы Русијадан јарымадаја лазым олан һәр шејин, о ҹүмләдән силаһларын чатдырылмасыны чәтинләшдирәҹәк”.
О сөјләјиб ки, бу, Кијев үчүн бөјүк дивидентдир: “Крым көрпүсү Русијаны Крым вә Херсонла бирләшдирирди”.
342/
