АБНА24 Хәбәр Верир , Мариуполдакы “Азовстал” заводунда олан јаралы украјналы һәрбчиләрин тәхлијәсинә башланылыб.
Русија Мүдафиә Назирлији хәбәр верир ки, мајын 16-да Мариуполдакы “Азовстал” металлурҝија заводунун әразисиндәки украјналы һәрбчиләрин нүмајәндәләри илә апарылан данышыглар нәтиҹәсиндә јаралыларын чыхарылмасы барәдә разылыг әлдә олунуб”, - дејә назирлијин мәлуматында билдирилир.
Русија МН гејд едир ки, зәрәрчәкәнләр Новоазовск хәстәханасына јерләшдирилиб.
Британија Мүдафиә Назирлијинин кәшфијјат мәлуматларына ҝөрә исә, Русија гошунларынын Украјна пајтахтына доғру һәрәкәт истигамәтиндә, тәгрибән, 3500 бинанын дағылдығы вә ја зәдәләндији тәхмин едилир. Зијанын 80 фаизи јашајыш биналарына дәјиб.
“Бу зәрәрин мигјасы Русијанын јашајыш мәнтәгәләринә гаршы артиллеријадан истифадә етмәјә һазыр олдуғуну ҝөстәрир. Русија јахын һәфтәләрдә Донбасда ирәлиләјиш сүрәтини бәрпа етмәјә чалышаҹаг. Одур ки, Русија гошунлары күтләви артиллерија зәрбәләрини давам етдирәҹәк”, - дејә мәлуматда билдирилиб.
Бу арада Пентагонун јүксәк рүтбәлиләриндән бири иддиа едиб ки, Русијанын һәрби-сијаси рәһбәрлији өз баталјон тактики групларынын 80%-ни Украјна халгына гаршы ганлы мүһарибәјә ҹәлб едиб.
Пентагон рәсмиси дејиб ки, Путинин башлатдығы мүһарибәни давам етдирмәк үчүн чох аз һәрби ресурсу галыб.
342/
18 may 2022 - 20:16
Xəbər kodu: 1258780
Русија гүввәләри Мариупола нәзарәти там әлә кечирди. “Азовстал”дан јаралы украјналы һәрбчиләрин тәхлијәсинә башланылыб
