Ирәванын Бакыја тәклифи јајылды

АБНА24 Хәбәр Верир , тәклифләр бунлардыр:

1. Биринҹи бәнддә гејд олунур ки, мартын 11-дә биз Азәрбајҹандан мүгавилә илә бағлы тәклиф алмышыг, она ҹаваб веририк.

2. Ермәнистан Республикасы һеч вахт Азәрбајҹана гаршы әрази иддиасында олмајыб вә инди дә дејил.

3. Ермәнистан тәрәфи үчүн Дағлыг Гарабағда ермәниләрин тәһлүкәсизлији, онларын азадлығы вә һүгуглары, о ҹүмләдән Дағлыг Гарабағын сон статусу принсипиал мәсәләдир.

4. Ермәнистан тәрәфи Азәрбајҹан Республикасы Президенти, Ермәнистан Республикасы Баш назири вә Русија Федерасијасы Президентинин 9 нојабр бәјаннамәсинин, 11 јанвар вә 26 нојабр (һәрби әсирләрин гајтарылмасы вә јолларын ачылмасы) бәјанатларынын өһдәликләринин иҹрасыны ваҹиб сајыр.

5. Ермәнистан тәрәфи БМТ Низамнамәси, Һелсинки Јекун Акты вә Бејнәлхалг Мүлки-Сијаси Пакты әсасында Азәрбајҹан вә Ермәнистан арасында дөвләтләрарасы мүнасибәтләрин гурулмасына даир сүлһ мүгавиләси үзрә данышыглара башламаға һазырдыр.

6. Мүвафиг данышыгларын тәшкили үчүн Ермәнистан тәрәфи АТӘТ-ин Минск Групунун һәмсәдрләринә мүраҹиәт едиб.

Азәрбајҹан Хариҹи Ишләр Назирлијинин мартын 14-дә ачыгладығы Ермәнистанла мүнасибәтләрин нормаллашдырылмасы үчүн Ермәнистана тәгдим олунан тәклифләри исә бунлардан ибарәт олмушдур:

- Дөвләтләрин бир-бирләринин суверенлији, әрази бүтөвлүјү, бејнәлхалг сәрһәдләринин тохунулмазлығы вә сијаси мүстәгиллијини гаршылыглы шәкилдә танымасы;

- Дөвләтләрин бир-бирләринә гаршы әрази иддиаларынын олмамасынын гаршылыглы тәсдиги вә ҝәләҹәкдә белә бир иддианын галдырылмајаҹағына даир һүгуги өһдәлијин ҝөтүрүлмәси;

- Дөвләтләрарасы мүнасибәтләрдә бир-бирләринин тәһлүкәсизлијинә һәдә төрәтмәкдән, сијаси мүстәгиллик вә әрази бүтөвлүјүнә гаршы һәдә вә ҝүҹдән истифадә етмәкдән, һабелә БМТ Низамнамәсинин мәгсәдләринә ујғун олмајан диҝәр һаллардан чәкинмәк;

- Дөвләт сәрһәдинин делимитасијасы вә демаркасијасы, дипломатик мүнасибәтләрин гурулмасы;

- Нәглијјат вә коммуникасијаларын ачылышы, диҝәр мүвафиг коммуникасијаларын гурулмасы вә гаршылыглы мараг доғуран диҝәр саһәләрдә әмәкдашлығын гурулмасы.

Азәрбајҹан Республикасы Хариҹи Ишләр Назирлијинин Мәтбуат хидмәти идарәсинин рәиси Лејла Абдуллајева бу тәклифләри мәтбуата ачыглајаркән билдирмишди ки, ики дөвләт мәһз бу база принсипләри әсасында интенсив, субстантив вә нәтиҹәјә јөнәлик данышыглар апарараг икитәрәфли сүлһ сазишини јекунлашдыра биләрләр.

Азәрбајҹан Республикасы хариҹи ишләр назири Ҹејһун Бајрамов исә мајын 10-да журналистләрә вердији ачыгламада Ермәнистанын тәклифләри барәдә белә демишди:”Сәнәдә бахдыгда буна тәклиф демәк олмаз. Һәмин сәнәд тәгдим олунан заман Ермәнистан тәрәфи бунун Азәрбајҹанын тәклифләринә реаксија кими билдирмишди”.

342/