АБНА24 Хәбәр Верир , Франса халгы бу өлкәнин президент сечкиләринин икинҹи туруна вәсигә газанмыш намизәдләри налајиг вә пис һесаб едир. Франсалы етиразчыларын билдирдикләринә ҝөрә, Макрон вә Ле Пен һеч бир вәҹһлә бу өлкәнин президенти олмаг һәддиндә дејилләр.
Франсалы етиразчылар, о сырадан сары жилетлиләр, анти-фашист тәшкилатлары, мигрант ҹәмијјәтләри вә бир чох фәһлә һәмкарлар иттифагы бу аксијада «Нә Макрон, нә Ле Пен!» кими шүарларла Франса президент сечкиләринин икинҹи турунун бојкот едилмәсини тәләб едибләр.
Франсанын тәһлүкәсизлик гүввәләри дә ҝөзјашардыҹы газ бурахмагла етиразчылары јатырмаға башлајыблар.
Ҹүмә ҝүнү ҝеҹә дә јүзләрлә тәләбә Франса президент сечкиләринин икинҹи турунда Еммануел Макрон вә Марин Ле Пенин намизәдликләринә гаршы өз етиразыны ҝөстәрмәк үчүн бу өлкәнин бир нечә университетинин гаршысына топлашыб.
Сон Франса президент сечкиләриндә диггәтчәкән мәсәлә, бу өлкә вәтәндашларынын ашағы һәддә иштиракы олуб. Франса дахили ишләр назирлијинин статистикасына әсасән, 2022-ҹи ил Франса президент сечкиләринин биринҹи турунда иштирак сәвијјәси 25,48 фаиз олубдур ки, бу да ондан габагкы президент сечкиләри илә мүгајисәдә һиссолунаҹаг һәддә азалмадан хәбәр верир.
Франса президент сечкиләринин икинҹи туру апрелин 24-дә кечириләҹәк.
342/
17 aprel 2022 - 19:12
Xəbər kodu: 1248917
Франса халгы дүнән бир даһа бу өлкәнин президент сечкиләринин нәтиҹәләринә гаршы етираз аксијасы кечириб.
