АБНА24 Хәбәр Верир ,Шимали Кореја Гәрбин санксијалары вә тәзјигләринә рәғмән, өз мүдафиә гүдрәтини артырмаг мәгсәдилә ракет сынагларыны давам етдирир.
Шимали Корејанын мәркәзи информасија аҝентлији өз мәлуматында ракет сынағынын заманына ишарә етмәдән гејд едибдир ки, јени истигамәтләндириҹи тактики силаһ, тактики нүвә силаһларынын тәсир ҝүҹүнүн артырылмасы, һәмчинин өн хәттдә узагмәнзилли артиллерија бөлмәләринин атәш ҝүҹүнүн диггәтәлајиг тәрздә јахшылашдырылмасында мүһүм рол ојнајаҹаг.
Мәлумата ҝөрә, Шимали Кореја рәһбәри бу ракет сынағынын һәјата кечирилмәси ҝедишиндә өлкәнин атом дөјүш гүввәләринин ҝүҹләндирилмәси барәдә тәлиматлар вериб.
Ҹәнуби Кореја ордусу да билдирибдир ки, бу өлкәнин шимал гоншусу, Јапон дәнизинә тәрәф ики баллистик ракет атыбдыр.
Бу, ҹари 2022-ҹи илин илк дөрд ајы әрзиндә Шимали Корејанын һәјата кечирдији он үчүнҹү ракет сынағыдыр.
342/
17 aprel 2022 - 19:11
Xəbər kodu: 1248916
Шимали Корејанын мәркәзи информасија аҝентлији бу ҝүн сәһәр саатларында билдириб ки, бу өлкә Шимали Корејанын рәһбәри Ким Чен Ынын нәзарәти алтында гыса мәнзилли бир баллистик ракет системини сынагдан кечириб.
