АБНА24 Хәбәр Верир ,бу барәдә Русија Мүдафиә Назирлијинин рәсмиси, ҝенерал-мајор Игор Конашенков билдириб.
О, лиманын “Азов" јараглыларындан тамамилә тәмизләндијини сөјләјиб.
Русија Мүдафиә Назирлији бундан өнҹә "Азов" дөјүшчүләринин мүһасирәдә олдуғу барәдә хәбәр јајмышды.
Конашенков гејд едиб ки, - онун ифадәси илә десәк - насистләрин лимандакы ҝәмиләрдә сахладыглары бүтүн ҝировлар, о ҹүмләдән хариҹи ҝәмиләр азад едилиб.
Ҝенералын сөзләринә ҝөрә, Украјна гошунларынын вә Азов насистләринин шәһәрдәки бөлмәләринин галыглары блокланыб вә мүһасирәдән чыхмаг имканлары јохдур.
Һәрби тәһлилчиләрин дедијинә ҝөрә, Мариуполдан сонра әсас диггәт Донбаса јөнәлдиләҹәк вә Русија 9 мај гәләбә ҝүнү ҝәлиб чатанадәк Донбасдакы һәр ики гондарма республикаја нәзарәти өз әлинә кечирсин.
Һәр ики тәрәфдән тәгрибән 250 мин нәфәрдән артыг дөјүшчүнүн бир јердә ҹәмләшмәси вәзијјәтин нә гәдәр ҝәрҝин олдуғундан хәбәр верир.
Русија гошунларынын Донбасда ҝенишмигјаслы дөјүшүнүн мәгсәди - Украјна Силаһлы Гүввәләринин даһа чох дөјүшә һазыр олан бирләшмәләринин вә һиссәләринин мәһв едилмәси, Кијев һөкумәтинин гәләбәси барәдә виртуал реаллығын дағыдылмасы вә Русија Силаһлы Гүввәләринин Украјнада гаршы һәрби әмәлијјатынын баша чатдырылмасынын мүддәтинин мүәјјән едилмәсидир.
Русија президенти Владимир Путин апрелин 12-дә Украјнада хүсуси әмәлијјатын "дүзҝүн аддым олдуғуну, башга сечимин олмадығыны, мәгсәдләрә наил олунаҹағыны" тәсдигләјиб. Вә вурғулајыб: "Украјнаны анти-Русија әмәлијјат мејданына чевирмәјә вә орада узун мүддәтдир мөвҹуд олан милләтчилик вә неонасизми јетишдирмәјә башладылар".
Бу арада Русија иддиа едир ки, Украјна ордусунун ики ракет-артиллерија анбары, “Днепр” аеродромунда МиГ-29 гырыҹысы, Ми-8 һеликоптери вә “Бајрагдар” ПУА-сы мәһв едилиб.
342/
15 aprel 2022 - 10:24
Xəbər kodu: 1248136
Мариуполда дәниз тиҹарәт лиманы Русија ордусу тәрәфиндән әлә кечирилиб.
